ਪਾਕਿਸਤਾਨ (ਅੰਤਰਰਾਸ਼ਟਰੀ ਕ੍ਰਿਸ਼ਚਨ ਕਨਸਰਨ) – ਸੋਸ਼ਲ ਮੀਡੀਆ ‘ਤੇ ਆਈਆਂ ਖਬਰਾਂ ਅਨੁਸਾਰ, ਪਾਕਿਸਤਾਨ ਦੇ ਕਸੂਰ ਜ਼ਿਲ੍ਹੇ ਦੇ ਇਕ ਈਸਾਈ ਪਰਿਵਾਰ ਨੂੰ ਆਪਣੇ ਘਰ ਵਿੱਚ ਅਰਦਾਸ ਕਰਨ ਅਤੇ ਇਸਲਾਮ ਧਰਮ ਬਦਲਣ ਤੋਂ ਇਨਕਾਰ ਕਰਨ’ ਤੇ ਸਤਾਇਆ ਜਾ ਰਿਹਾ ਹੈ। ਤਿੰਨ ਬੱਚਿਆਂ ਦੀ ਈਸਾਈ ਮਾਂ, ਰੁਬੀਨਾ ਨੇ ਸੋਸ਼ਲ ਮੀਡੀਆ ‘ਤੇ ਦੱਸਿਆ ਕਿ ਉਸਨੂੰ ਅਤੇ ਉਸਦੇ ਪਤੀ ਨੂੰ ਉਨ੍ਹਾਂ ਦੇ ਮਾਲਕ ਦੁਆਰਾ ਘਰ ਵਿੱਚ ਪ੍ਰਾਰਥਨਾ ਕਰਨ ਅਤੇ ਉਸਦੇ ਦੁਆਰਾ ਇਸਲਾਮ ਧਰਮ ਬਦਲਣ ਦੇ ਸੱਦੇ ਤੋਂ ਇਨਕਾਰ ਕਰਨ ਕਾਰਨ ਉਨ੍ਹਾਂ ਨਾਲ ਬਦਸਲੂਕੀ ਕੀਤੀ ਗਈ ਸੀ। ਰੁਬੀਨਾ ਅਤੇ ਉਸ ਦਾ ਪਤੀ ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਕਸੂਰ ਜ਼ਿਲ੍ਹੇ ਵਿੱਚ ਸਥਿਤ ਖੁਡੀਆਂ ਵਿੱਚ ਇੱਕ ਇੱਟਾਂ ਦੇ ਭੱਠੇ ਤੇ ਕੰਮ ਕਰਦੇ ਹਨ। ਰੁਬੀਨਾ ਨੇ ਫੇਸਬੁੱਕ ਉੱਤੇ ਅਪਲੋਡ ਕੀਤੇ ਇੱਕ ਵੀਡੀਓ ਵਿੱਚ ਕਿਹਾ ਕਿ ਉਸਦੇ ” ਮੁਸਲਿਮ ਮਾਲਕ ਅਤੇ ਉਸਦੇ ਸਟਾਫ ਨੇ ਸਾਨੂੰ ਚਰਚ ਜਾਣ ਤੋਂ ਵਰਜਿਆ ਸੀ ਇਸ ਲਈ ਅਸੀਂ ਆਪਣੇ ਘਰ ਵਿੱਚ ਅਰਦਾਸ ਕਰਨੀ ਅਰੰਭ ਕਰ ਦਿੱਤੀ ਇਸ ਨਾਲ ਉਹ ਸਾਡੇ ਵੱਲ ਵਧੇਰੇ ਹਮਲਾਵਰ ਹੋ ਗਿਆ।” ਇਸਦੇ ਨਾਲ ਹੀ ਮਾਲਕ ਦੇ ਸਟਾਫ ਨੇ ਵੀ ਬਦਸਲੂਕੀ ਕੀਤੀ। ਇਹ ਮਾਲਕ ਈਸਾਈਆਂ ਨੂੰ ਆਕਰਸ਼ਕ ਪੈਕੇਜਾਂ ਨਾਲ ਕੰਮ ਕਰਨ ਦਾ ਸੱਦਾ ਦਿੰਦਾ ਹੈ ਅਤੇ ਕੁੱਟਮਾਰ ਕਰਕੇ ਉਨ੍ਹਾਂ ਨੂੰ ਧਰਮ ਬਦਲਣ ਲਈ ਮਜਬੂਰ ਕਰਦਾ ਹੈ। ਬੰਧੂਆ ਮਜ਼ਦੂਰੀ ਅਤੇ ਹੋਰ ਦੁਰਵਿਵਹਾਰ ਪੂਰੇ ਪਾਕਿਸਤਾਨ ਵਿੱਚ ਇੱਟਾਂ ਦੇ ਭੱਠਿਆਂ ਵਿੱਚ ਆਮ ਹਨ। ਬਹੁਤ ਸਾਰੇ ਮਾਮਲਿਆਂ ਵਿੱਚ, ਮਜ਼ਦੂਰਾਂ ਨੂੰ ਫੈਕਟਰੀਆਂ ਦੇ ਮਾਲਕਾਂ ਦੁਆਰਾ ਆਪਣੀ ਜਾਇਦਾਦ ਮੰਨਿਆ ਜਾਂਦਾ ਹੈ ਅਤੇ ਕਈ ਤਰ੍ਹਾਂ ਦਾ ਸ਼ੋਸ਼ਣ ਵੀ ਕੀਤਾ ਜਾਂਦਾ ਹੈ।
