ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਪੰਜਾਬੀ ਦੀ ਉੱਤਮ ਸ਼ਾਇਰਾ ਉੱਚਾ ਬਹੁਤ,
ਮਿਆਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਸਦਾ ਜਿੰਦਗੀ ਦੇ ਸਫਰ ਵਿੱਚ,
ਤੁਰਿਆ ਨਾਲੋ ਨਾਲ |
ਜਿਸਨੇ ਅੱਜ ਤੱਕ ਕਦੇ ਵੀ ,
ਕਰਿਆ ਨਹੀ ਕੋਈ ਸਵਾਲ |
ਅਮਰਜੀਤ ਸਿੰਘ ਬਣਿਆ,
ਸਰਦਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਕਵਿਤਾ ਏਦਾਂ ਸਖੀਆਂ ਵਾਂਗੂ,
ਖੇਡਾਂ-ਖੇਡਣ ਲਗਦੀ |
ਜਦ ਲੋਅ ਕਲਮ ਦੀ ਚਿਰਾਗ,
ਵਰਗੇ ਕਾਗਜ਼ ਉੱਤੇ ਮਘਦੀ |
ਕਵਿਤਾ ਆਪ ਮੁਹਾਰੇ ਰੂਪ ਲੈਂਦੀ,
ਏ ਧਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਫੁੱਲਾਂ ਵਰਗੇ ਸ਼ਬਦ ਹੁੰਦੇ ਜੋ,
ਉਹ ਰਹੇ ਇਕੱਠੇ ਕਰਦੀ |
ਮਹਿਕਾਂ ਹੀ ਮਹਿਕਾਂ ਦੇਂਦੇ ਜਦ,
ਉਹ ਛਾਬਾ ਆਪਣਾ ਭਰਦੀ |
ਤਦ ਕਵਿਤਾ ਦੇ ਰੂਪ ਜਿਹਾ ਇੱਕ,
ਬਣ ਜਾਂਦਾ ਏ ਹਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਸਿਰੜੀ,ਹਿੰਮਤੀ,ਸਿਦਕੀ ਹੈ,
ਗੱਲਾਂ ਕਰਦੀ ਨਹੀਂ ਕਮਜੋ਼ਰੀ ਨਾ |
ਤਪਸ਼ ਹੋਵੇ ਭਾਵੇਂ ਠੰਢ ਸਿਆਲਾਂ ਦੀ,
ਜਰਦੀ ਨਹੀਂ ਕਮਜੋਰੀ ਨਾ |
ਵਿਚਾਰਾਂ ਦੀ ਚਰਚਾ ਦੇ ਅੰਦਰ ਬੜਾ
ਪਿਆਰਾ ਹੋਵੇ ਵਿਚਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਚੇਤੇ ਨੇ ਅੱਜ ਵੀ ਗੁਰਨਾਮ ਸਿੰਘ ਬਾਬਲ,
ਨੇ ਧੀ ਨੂੰ ਡਾਢੇ ਲਾਡ ਲਡਾਏ ਸਨ |
ਮਾਂ ਅਮਰਜੀਤ ਕੌਰ ਨਾਲ ਦੁੱਖ-ਸੁੱਖ,
ਵੰਡੇ ਤੇ ਉਸਨੇ ਮੱਖਣ ਦੁੱਧ ਖਵਾਏ ਸਨ |
ਹੈ ਬੜਾ ਮਾਂ-ਪਿਉ ਲਈ ਦਿਲ ਵਿੱਚ,
ਸਤਿਕਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਸਰਬਜੀਤ,ਸਤਵੀਰ,ਨਰਿੰਦਰ,ਕਿੰਦਰਜੀਤ,
ਅਮਿ੍ਤ ਦੀਆਂ ਨੇਂ ਚਾਰੇ ਭੈਣਾਂ |
ਇਹਨਾਂ ਦਾ ਸਭਤੋਂ ਛੋਟਾ ਵੀਰਾ ਨਿਰਮਲ,
ਸਿੰਘ ਹੈ ਬੜਾ ਕੀਮਤੀ ਗਹਿਣਾ |
ਰੱਖੜੀ ਵਾਲੇ ਦਿਨ ਚਾਰੇ ਭੈਣਾਂ,
ਕਰਦੀਆਂ ਨੇਂ ਇੰਤਜ਼ਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਪਿੰਡ ਸਦਰਪੁਰੇ ਵਿੱਚ ਸਖੀਆਂ ਦੇ ਸੰਗ,
ਖੇਡੀਆਂ ਖੇਡਾਂ ਹਾਲੇ ਵੀ ਯਾਦ ਨੇਂ |
ਪਿੰਡ ਅਮਿ੍ਤ ਦਾ ਅੱਜ ਵੀ ਓਦਾਂ ਈ,
ਗਲੀਆਂ ਚੁੱਲੇ-ਚੌਂਕੇ ਸਭ ਆਬਾਦ ਨੇਂ |
ਬਚਪਨ ਦਾ ਵੀ ਤਾਂ ਸੋਹਣਾ ਸੀ,
ਕਿਰਦਾਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਸੁਖਵਿੰਦਰ ਕਾਗਜ਼ ਦੀ ਫੁਲਕਾਰੀ ਤੇ,
ਜਦੋਂ ਫੁੱਲ ਕਵਿਤਾ ਦੇ ਕੱਢਦੀ |
ਹਰ ਇੱਕ ਫੁੱਲ ਦੀ ਦਿੱਖ ਵੱਖਰੀ ਤੇ,
ਉਸ ਵਿੱਚ ਵੱਖਰਾ ਹੀ ਰੰਗ ਛੱਡਦੀ |
ਗੀਤ ਤਾਂ ਗੱਭਰੂ ਵਰਗਾ ਹੁੰਦੈ ਤੇ,
ਗ਼ਜ਼ਲ ਲੱਗੇ ਮੁਟਿਆਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
ਸੁਖਵਿੰਦਰ ਦੇ ਪੂਰੇ ਘਰ ਦਾ ਵਿਹੜਾ,
ਮਹਿਕੇ ਦੋ ਸੋਹਣੇ ਫੁੱਲਾਂ ਨਾਲ |
ਬੇਟਾ ਸੁਰਦੀਪ ਬੇਟੀ ਬਲਦੀਪ ਦੋਵੇਂ,
ਅਮਿ੍ਤ ਦੇ ਹੀਰੇ ਨੇ ਬਾ-ਕਮਾਲ |
ਦੁੱਖਭੰਜਨਾਂ ਇਹਨਾਂ ਜਿੰਦਾਂ ਦੇ ਨਾਲ ਹੀ ਸੌਹੰਦਾ,
ਹੈ ਸਾਰਾ ਘਰ ਬਾਹਰ ਸੁਖਵਿੰਦਰ ਅਮਿ੍ਤ ਦਾ |
ਹੈ ਕਵਿਤਾ ਦੇ ਨਾਲ ਧੁਰ ਅੰਦਰ ਤੋਂ,
ਪਿਆਰ ਸੁਖਵਿੰਦਰ ਅਮਿ੍ਤ ਦਾ |
