ਰਜਨੀ ਵਾਲੀਆ, ਕਪੂਰਥਲਾ
ਏਹ ਝੂਠਾ ਜੱਗ ਤੇ ਝੂਠਾ ਮੋਹ,
ਆਪਣੇ ਨਹੀ ਨੇ ਦਿਸਦੇ ਜੋ |
ਜਿਸਦੀ ਭਾਲ ਚ ਆਈ ਜਿੰਦੜੀਏ,
ਉਸ ਮਾਲਕ ਦਾ ਪਤਾ ਨਾ ਥਹੁ |
ਦਮ-ਦਮ ਨਾਲ ਤੂੰ ਉਸਦਾ ਨਾਮ,
ਸਿਮਰਦੀ ਰਓ ਨੀ ਸਿਮਰਦੀ ਰਓ |
ਨੀ ਅੰਦਰ ਉਸਦਾ ਖਾਲੀ ਹੁੰਦੈ,
ਰਹਿੰਦਾ ਏ ਜੋ ਕਰਦਾ ਸੋਅ |
ਬਾਜ ਜਿਹੀ ਏ ਉਸਦੀ ਅੱਖ ਨੀ,
ਅੰਦਰ ਬਾਹਰ ਲੈਂਦੀ ਏ ਟੋਹ |
ਉਦੋ ਬਹੁਤ ਹੀ ਗਲਤ ਹੁੰਦਾ ਏ,
ਜਦੋਂ ਜਾਵੇ ਜਮੀਰ ਬੰਦੇ ਦੀ ਸੌਂ |
ਨੀ ਛੱਭ ਛੜ ਉਸ ਮਾਲਕ ਤੇ ਡੋਰਾਂ,
ਬੋਝ ਨਾ ਐਂਵੇ ਪਈ ਤੂੰ ਢੋ |
ਰਜਨੀ ਪ੍ਰਗਟ ਮਾਲਕ ਇੱਕ ਦਿਨ ਹੋਣਾ,
ਤੂੰ ਲੈ ਉਸ ਦੇ ਲਈ ਹਾਰ ਪਰੋ |
