ਸੁਭਾਅ ਵੱਖਰੇ

ਰਜਨੀ ਵਾਲੀਆ, ਕਪੂਰਥਲਾ

ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ |

ਚੰਗਾ ਬੰਦਾ ਚੰਗਾ ਈ ਸੋਚੇ,
ਮਾੜਾ ਮਾੜੀ ਸੋਚਦਾ |
ਜਿੰਦਗੀ ਵਿੱਚ ਹੋਰ-ਹੋਰ,
ਹਰ ਬੰਦਾ ਈ ਲੋਚਦਾ |
ਹੁੰਦੇ ਮਾੜੇ ਦੇ ਰੱਬ,
ਤੇ ਖੁਦਾ ਵੱਖਰੇ |
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,

ਵਿਕਦੀ ਨਹੀਂ ਚੀਜ਼ ਚੰਗੀ,
ਸਦਾ ਵਿਕਦੀਆਂ ਮਾੜੀਆਂ |
ਦਿਲ ਦਿਆ ਖੋਟਿਆ ਤੂੰ,
ਰੀਝਾਂ ਬਹੁਤ ਪਾੜੀਆਂ |
ਹਰ ਚੀਜ਼ ਦੇ ਹੁੰਦੇ,
ਓਦਾਂ ਭਾਅ ਵੱਖਰੇ |
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,

ਚੰਗੇ ਕੋਲ ਸਭ ਕੁਝ,
ਆਪੇ ਈ ਆ ਜਾਂਦਾ ਏ |
ਮਾੜੇ ਦਾ ਮਾੜਾਪਨ,
ਓਦਾ ਆਪਾ ਖਾ ਜਾਂਦਾ ਏ |
ਸਦਾ ਬੁਰਿਆਂ ਕੋਲ,
ਹੋਵਣ ਗਵਾਹ ਵੱਖਰੇ |
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,

ਮਾੜਾ ਹੋਵੇ ਦਾਈ ਸਦਾ,
ਦਾਅ ਰਵੇ ਮਾਰਦਾ |
ਓ ਜਿੱਤ ਜਾਂਦਾ ਬਿਨਾ,
ਖੇਡੇ ਅਗਲਾ ਈ ਹਾਰਦਾ |
ਦਾਈ ਹੋਵੇ ਹੁੰਦੇ ਬੜੇ,
ਦਾਅ ਵੱਖਰੇ |
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,

ਸਦਾ ਰੱਖਦਾ ਚਲਾਕੀ ਨਾਲ ,
ਆਪਣੀ ਓ ਚਾਲ ਨੂੰ |
ਮਕੜੀ ਜਿਉਂ ਬੁਣੇਂ,
ਏਦਾਂ ਬੁਣਦਾ ਓ ਜਾਲ ਨੂੰ |
ਦੇਵੇ ਧੋਖਾ ਤੇ ਖਾਂਦਾ ,
ਨਹੀਂ ਵਸਾਹ ਵੱਖਰੇ |
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,

ਜਿੱਦਾਂ ਸੋਚਦਾ ਓ ਮਾੜਾ,
ਓਦਾਂ ਅਗਲੇ ਨੂੰ ਜਾਣੇਂ |
ਲੂਈ ਸਾਡੀ ਖੁਸੀ਼ ਚਾਵਾਂ,
ਦੇ ਭੱਠ ਪੈ ਗਏ ਦਾਣੇਂ |
ਰਜਨੀ ਪੈ ਗਏ ਨੀ,
ਜਿੰਦਗੀ ਨੂੰ ਫਾਹ ਵੱਖਰੇ |
ਜਿਵੇਂ ਹੁੰਦੇ ਸਭਨਾਂ ਦੇ ਰਾਹ ਵੱਖਰੇ,
ਉਵੇਂ ਈ ਹੁੰਦੇ ਸਭ ਦੇ ਸੁਭਾਅ ਵੱਖਰੇ,