ਰਜਨੀ ਵਾਲੀਅਾ, ਕਪੂਰਥਲਾ
ਰਾਮ ਦੇ ਨਾਂ ਤੇ ਅਯੁੱਧਿਅਾ ਦੇ ਵਿੱਚ,
ਮੰਦਰ ਬਣ-ਬਣ ਢਹਿੰਦੇ ਰਹੇ |
ਦਿੱਲੀ ਵਿੱਚ ਸੰਸਦ ਦੇ ਅੰਦਰ,
ਮੰਦਰ ਤੋਂ ਈਂ ਰੌਲੇ ਪੈਂਦੇ ਰਹੇ|
ਰਾਮ ਦੇ ਨਾਂ ਤੇ ਅਯੁੱਧਿਅਾ ਦੇ ਵਿੱਚ,
ਮੰਦਰ ਬਣ-ਬਣ ਢਹਿੰਦੇ ਰਹੇ |
ਹੁਣ ਪੰਜ ਸੌ ਸਾਲ ਦੇ ਮਗਰੋਂ ਉਥੇ,
ਮੰਦਰ ਬਣਕੇ ਤਿਅਾਰ ਹੋਵੇਗਾ |
ਉਸ ਧਰਤੀ ਨੂੰ ਪ੍ਰਣਾਮ ਏ ਸ਼ਤ-ਸ਼ਤ,
ਹੁਣ ਦੂਣਾਂ-ਤੀਣਾਂ ਸਤਿਕਾਰ ਹੋਵੇਗਾ |
ਰਾਮ ਭਗਤ ਸਨ ਜਿਹੜੇ-ਜਿਹੜੇ,
ਸਭ ਕੁਝ ਚੁੱਪ ਕਰ ਸਹਿੰਦੇ ਰਹੇ |
ਰਾਮ ਦੇ ਨਾਂ ਤੇ ਅਯੁੱਧਿਅਾ ਦੇ ਵਿੱਚ,
ਮੰਦਰ ਬਣ-ਬਣ ਢਹਿੰਦੇ ਰਹੇ |
ਹਿੰਦੂ ਮੁਸਲਿਮ ਜੁੜ ਨਈਂ ਬਹਿੰਦੇ,
ਕੋਈ ਮਸਜਿਦ ਢਾਹਵੇ ਕੋਈ ਮੰਦਰ ਨੂੰ |
ਇਥੇ ਤੱਕੇ ਹਰ ਕੋਈ ਅਾਪਣਾ ਫਾਇਦਾ,
ਤੇ ਅਾਣ ਢਾਹ ਦੇਵੇ ਅੰਦਰ ਨੂੰ |
ਜਿਸ-ਜਿਸ ਦਾ ਵੀ ਅੰਦਰ ਟੁੱਟਿਅਾ,
ਉਸ-ਉਸ ਦੇ ਹੰਝੂ ਵਹਿੰਦੇ ਰਹੇ |
ਰਾਮ ਦੇ ਨਾਂ ਤੇ ਅਯੁੱਧਿਅਾ ਦੇ ਵਿੱਚ,
ਮੰਦਰ ਬਣ-ਬਣ ਢਹਿੰਦੇ ਰਹੇ |
ਰਾਮ ਅਯੁੱਧਿਅਾ ਜਿੱਤਣ ਮਗਰੋਂ,
ਦਿੱਲੀ ਤੇ ਵੀ ਹੁਣ ਜਿੱਤ ਪਾ ਲਈ ਏ |
ਹਰ ਗਲੀ ਵਿੱਚ ਮਹਿਕ ਖਿਲਾਰਨੀ,
ਰਾਮ ਦੇ ਭਗਤਾਂ ਸੌਂਹ ਖਾ ਲਈ ਏ |
ਰਜਨੀ ਵੀ ਹੁਣ ਰਾਮ ਜੀ ਕਰਦੀ,
ਤੇ ਪਲ ਖੁ਼ਸੀਆਂ ਦੇ ਖਹਿੰਦੇ ਰਹੇ |
ਰਾਮ ਦੇ ਨਾਂ ਤੇ ਅਯੁੱਧਿਅਾ ਦੇ ਵਿੱਚ,
ਮੰਦਰ ਬਣ-ਬਣ ਢਹਿੰਦੇ ਰਹੇ |
