ਦੁੱਖਭੰਜਨ ਰੰਧਾਵਾ
0351920036369
ਇੱਕ ਦੁੱਖ ਸੱਜਣਾਂ ਸਾਵਣ ਦੇਂਦਾ,
ਇੱਕ ਦੁੱਖ ਸੱਜਣਾਂ ਤੇਰਾ ਓਏ |
ਮੈਨੂੰ ਛੱਡ ਕੇ ਜਾਵੀਂ ਨਾ ਤੂੰ,
ਮੈਂਡਾ ਏਨਾਂ ਨਈਉਂ ਜੇਰਾ ਓਏ |
ਮੁੱਖ ਤੇਰਾ ਇੰਝ ਲਗਦਾ ਮੈਨੂੰ,
ਜਿੱਦਾਂ ਫੁੱਲ ਖੁਸ਼ਬੋਈ |
ਜਿੱਦ ਮੇਰੀ ਏ ਆਸਿ਼ਕਾਂ ਵਾਲੀ,
ਪਰ ਤੂੰ ਮੰਨਲੈ ਕੋਈ |
ਜਿੱਦਾਂ ਮੱਕਾ ਹਾਜੀ ਦੇ ਲਈ,
ਮੈਨੂੰ ਮੱਕਾ ਯਾਰ ਬਥੇਰਾ ਓਏ |
ਇੱਕ ਦੁੱਖ ਸੱਜਣਾਂ ਸਾਵਣ ਦੇਂਦਾ,
ਇੱਕ ਦੁੱਖ ਸੱਜਣਾਂ ਤੇਰਾ ਓਏ |
ਮੈਂ ਪੱਥਰ ਦਾ ਬੁੱਤ ਨੀ ਅੜੀਏ,
ਰੱਖ ਲਈਂ ਜਾਂ ਫਿਰ ਰੋੜੀਂ |
ਮੈਂ ਤੇਰਾ ਸੀ਼ਸੇ਼ ਦਾ ਪੈਮਾਨਾ ਅੜੀਏ,
ਸਾਭੀਂ ਜਾਂ ਫਿਰ ਤੋੜੀਂ |
ਦਿੱਤਾ ਜੋ ਤੂੰ ਸੱਲ ਜਿਗਰ ਥੀਂ,
ਓਈਓ ਸੱਲ ਬਥੇਰਾ ਓਏ |
ਇੱਕ ਦੁੱਖ ਸੱਜਣਾਂ ਸਾਵਣ ਦੇਂਦਾ,
ਇੱਕ ਦੁੱਖ ਸੱਜਣਾਂ ਤੇਰਾ ਓਏ |
ਮੈਨੂੰ ਸਾੜਨਾਂ ਇੱਕ ਦਿਨ ਸੱਜਣਾਂ,
ਤੇਰੀ ਪੀੜ ਦੇ ਭੱਠ ਨੇਂ |
ਮੈਨੂੰ ਸਾਹ ਵੀ ਆਉਣ ਨਈਂ ਦੇਣੇ,
ਤੇਰੀ ਮਾਰੀ ਗੱਠ ਨੇਂ |
ਦੁੱਖਭੰਜਨ ਅੱਜ-ਕੱਲ ਕਰਦਾ ਵੇਖਲੈ,
ਘਰ ਹਿਜਰਾਂ ਦੇ ਬਸੇਰਾ ੳਏ |
ਇੱਕ ਦੁੱਖ ਸੱਜਣਾਂ ਸਾਵਣ ਦੇਂਦਾ,
ਇੱਕ ਦੁੱਖ ਸੱਜਣਾਂ ਤੇਰਾ ਓਏ |
