ਆਣ ਕਸ਼ਮੀਰੀ ਪੰਡਤਾਂ ਗੁਰੂ ਜੀ ਨੂੰ,ਆਪਣਾ ਦਰਦ ਸੁਣਾਇਆ|
ਔਰੰਗਜੇਬ ਨੇ ਧਰਮ ਬਦਲਣ ਲਈ ਡਾਹਢਾ ਕਹਿਰ ਮਚਾਇਆ|
ਦੁੱਖੜਾ ਸੁਣ ਗੁਰੂ ਜੀ ਦਾ ਚਿਹਰਾ ਭਖ਼ ਕੇ ਹੋਇਆ ਲਾਲ|
ਸੀਸ ਦੀ ਕੁਰਬਾਨੀ ਸੁਣ,ਰਤਾ ਨਾ ਕੀਤਾ ਗੋਬਿੰਦ ਮਲਾਲ|
ਸਿੱਖ ਇਤਿਹਾਸ ਲੱਖਾਂ ਕੁਰਬਾਨੀਆਂ ਦੇ ਨਾਲ਼ ਹੈ ਜੜਿਆ|
ਚਾਂਦਨੀ ਚੌਂਕ ਦਿੱਲੀ ‘ਚ ਸੀ ਸੀਸ,ਭੇਂਟ ਗੁਰੂ ਦਾ ਚੜਿਆ|
ਧੰਨ-ਧੰਨ ਗੁਰੂ ਤੇਗ ਬਹਾਦੁਰ,ਧੰਨ ਸੀ ਤੇਰੀ ਕੁਰਬਾਨੀ|
ਅਦੁੱਤੀ ਸ਼ਹਾਦਤ ਦੇ ਗਈ ਸੰਸਾਰ ਨੂੰ,ਸੇਧ ਇੱਕ ਲਾਸਾਨੀ|
‘ਜਲੰਧਰੀ’ ਸੱਚੀਆਂ ਸ਼ਹਾਦਤਾਂ ਦਾ,ਮੁੱਲ ਸਦਾ ਹੀ ਪੈਂਦਾ |
ਕੁੱਲ ਜਹਾਨ ਹੀ ਨੌਵੇਂ ਗੁਰੂ ਨੂੰ,ਹਿੰਦ ਦੀ ਚਾਦਰ ਕਹਿੰਦਾ |
ਅਮਨਦੀਪ ਕੌਰ ਜਲੰਧਰੀ
88720-40085
