ਦੁੱਖਭੰਜਨ ਸਿੰਘ ਰੰਧਾਵਾ
0351920036369
ਤੂੰ ਬੈਠੇਂ ਤਾਂ ਮੈਂ ਬੈਠਾਂ,
ਤੂੰ ਖਲੋਵੇਂ ਮੈਂ ਖਲੋਵਾਂ |
ਤੂੰ ਹੱਸੇਂ ਤਾਂ ਮੈਂ ਹੱਸਾਂ,
ਤੂੰ ਰੋਵੇਂ ਤਾਂ ਮੈਂ ਰੋਵਾਂ |
ਮੈਂ ਯਾਰਾ ਮਿੱਟੀ ਹੋ ਕੇ ਰਹਿਣਾ,
ਓਏ ਤੇਰੇ ਚੁੱਲੇ ਦੀ ਅਖੀਰ |
ਮੈਂ ਤਪਣਾ ਰੋਜ਼ ਤੇਰੇ ਅੱਗੇ,
ਹੈ ਏਹੀ ਮੇਰੀ ਤਕਦੀਰ |
ਦੇ ਲੋਰੀ ਇੱਕ ਮੈਨੂੰ,
ਜਾਗਣੇਂ ਦੀ ਥਾਂ ਮੈਂ ਸੌਵਾਂ |
ਤੂੰ ਬੈਠੇਂ ਤਾਂ ਮੈਂ ਬੈਠਾਂ,
ਤੂੰ ਖਲੋਵੇਂ ਮੈਂ ਖਲੋਵਾਂ |
ਮੈਂ ਤੈਨੂੰ ਮਾਲਾ ਵਾਂਗੂ ਫੇਰਾਂ,
ਤੂੰ ਮੇਰਾ ਰੱਬ ਹੋ ਕੇ ਰਹਿ ਜਾ |
ਪਤਾ ਨਈਂ ਕੀਹਦੇ ਲਈ ਤੂੰ ਕੀ,
ਆ ਮੇਰਾ ਸਭ ਹੋ ਕੇ ਰਹਿ ਜਾ |
ਮੈਂ ਤਾਂ ਫੱਕਰਾਂ ਦੇ ਵਾਂਗੂ
ਭਾਰ ਗੱਠ ਵਿੱਚ ਢੋਵਾਂ |
ਤੂੰ ਬੈਠੇਂ ਤਾਂ ਮੈਂ ਬੈਠਾਂ,
ਤੂੰ ਖਲੋਵੇਂ ਮੈਂ ਖਲੋਵਾਂ |
ਮੈਨੂੰ ਰਾਹਾਂ ਦੀਆਂ ਸਾਰਾਂ,
ਮੈਂ ਰਾਹ ਚੁਣੇਂ ਪਥਰੀਲੇ |
ਅਾਪਾਂ ਕੱਖੋਂ ਹੌਲੇ ਹੋ ਗਏ,
ਜਿੰਦੇ ਬਹੁਕਰਾਂ ਦੇ ਤੀਲੇ |
ਤੇਰਾ ਇੱਕ ਹੰਝ ਕਿਰੇ,
ਮੈਂ ਪਰਨਾਲੇ ਵਾਂਗੂ ਚੋਵਾਂ |
ਤੂੰ ਬੈਠੇਂ ਤਾਂ ਮੈਂ ਬੈਠਾਂ,
ਤੂੰ ਖਲੋਵੇਂ ਮੈਂ ਖਲੋਵਾਂ |
ਨੀਂ ਜਦੋਂ ਫਿਕਰਾਂ ਮਾਰੇ,
ਮੇਰੇ ਜ਼ਖਮ ਨੇ ਕਰਾਹੁੰਦੇ |
ਆ ਪੁੱਛੀਂ ਇਹਨਾਂ ਨੂੰ,
ਸਜ਼ਾ ਹੋਰ ਕੀ ਨੇਂ ਚਾਹੁੰਦੇ |
ਨੀ ਜਿੱਥੋਂ ਰਿਸਦਾ ਜਖਮ,
ਮੈਂ ਉਥੋਂ ਕਦੇ-ਕਦੇ ਟੋਹਵਾਂ |
ਤੂੰ ਬੈਠੇਂ ਤਾਂ ਮੈਂ ਬੈਠਾਂ,
ਤੂੰ ਖਲੋਵੇਂ ਮੈਂ ਖਲੋਵਾਂ |
ਦੁੱਖਭੰਜਨ ਏਨਾ ਏ ਮਲੂਕ,
ਕੱਖ ਜਰਿਆ ਨਈਂ ਜਾਂਦਾ|
ਤੈਨੂੰ ਸੋਚਣ ਦੇ ਬਿਨਾਂ,
ਕੱਖ ਕਰਿਅਾ ਨਈਂ ਜਾਂਦਾ |
ਓ ਘੜੀ ਕਦੋਂ ਆਊ ਅਸਾਂ,
ਬਹਿਣਾ ਕਦੋਂ ਦੋਵਾਂ |
ਤੂੰ ਬੈਠੇਂ ਤਾਂ ਮੈਂ ਬੈਠਾਂ,
ਤੂੰ ਖਲੋਵੇਂ ਮੈਂ ਖਲੋਵਾਂ |
