ਪੁਲੀਸ ਪਰਚਾ ਦਰਜ ਕਰਕੇ ਵੀ ਦੱਸਣ ਤੋਂ ਕਰ ਰਹੀ ਇਨਕਾਰ
ਸ਼ਾਇਦ ਵਿਦਰੋਹ ਸਤਾ ਰਿਹਾ ਕਿਸਾਨਾਂ ਦਾ
ਭਦੌੜ 26 ਜੁਲਾਈ ( ਆਰਕੇ ਵਰਮਾ )
ਲੰਘੀ ਕੱਲ ਪਾਵਰਕੌਮ ਦੀ ਟੀਮ ਵੱਲੋਂ ਪਿੰਡ ਪੱਤੀ ਦੀਪ ਸਿੰਘ ਵਿਖੇ ਮਾਰੀ ਗਈ ਛਾਪੇਮਾਰੀ ਦੌਰਾਨ ਕਿਸਾਨ ਆਗੂਆਂ ਅਤੇ ਪਾਵਰਕੌਮ ਮੁਲਾਜ਼ਮਾਂ ਵਿਚਕਾਰ ਹੋਈ ਤਕਰਾਰਬਾਜ਼ੀ ਅਤੇ ਘੇਰਾਬੰਦੀ ਤੋਂ ਬਾਦ ਉਸ ਵਕਤ ਇਸ ਮਾਮਲੇ ਨੇ ਨਵਾਂ ਮੌੜ ਲੈ ਲਿਆ ਜਦੋਂ ਬਿਜਲੀ ਮੁਲਾਜ਼ਮਾਂ ਨੇ ਘਰਾਂ ਚੋਂ ਰਿਹਾਅ ਹੋਣ ਉਪਰੰਤ ਥਾਣੇ ਭਦੌੜ ਅੱਗੇ ਧਰਨਾ ਦੇਕੇ ਕਿਸਾਨਾਂ ਖਿਲਾਫ਼ ਧਰਨਾ ਦੇਣ ਦੀ ਮੰਗ ਕੀਤੀ ਤੇ ਪੁਲੀਸ ਨੇ ਉੱਚ ਅਧਿਕਾਰੀਆਂ ਦੇ ਦਖ਼ਲ ਤੋਂ ਬਾਦ ਚਾਰ ਵਿਅਕਤੀਆਂ ਖਿਲਾਫ਼ ਪਰਚਾ ਦਰਜ ਕਰ ਲਿਆ ਜਿਸ ਦੀ ਪੁਲੀਸ ਵਿਭਾਗ ਪੁਸ਼ਟੀ ਕਰਨ ਤੋਂ ਕੰਨੀ ਕਤਰਾ ਰਿਹਾ ਹੈ।
ਦੱਸਣਯੋਗ ਹੈਕਿ ਉਪ ਮੰਡਲ ਭਦੌੜ ਅਧੀਨ ਵੰਡ ਮੰਡਲ ਦਿਹਾਤੀ ਬਰਨਾਲਾ ਦੀ ਟੀਮ ਵਲੋਂ ਇੰਜ: ਮਲਕੀਤ ਸਿੰਘ ਉਪ ਮੰਡਲ ਅਫ਼ਸਰ ਭਦੌੜ ਦੀ ਅਗਵਾਈ ਵਿਚ ਪਿੰਡ ਪੱਤੀ ਵੀਰ ਸਿੰਘ ਵਿਖੇ ਛਾਪੇਮਾਰੀ ਕੀਤੀ ਸੀ ਐਨ ਮੌਕੇ ਤੇ ਪੁੱਜੇ ਕਿਸਾਨ ਯੂਨੀਅਨਾਂ ਦੇ ਆਗੂਆਂ ਅਤੇ ਸਥਾਨਕ ਲੋਕਾਂ ਨੇ ਟੀਮ ਦਾ ਘਿਰਾਓ ਕਰਕੇ ਬੰਦੀ ਬਣਾਈ ਰੱਖਿਆ ਸੀ। ਦੋਵਾਂ ਧਿਰਾਂ ਵਿਚਕਾਰ ਮੌਕੇ ਤੇ ਹਾਜ਼ਰ ਡੀ.ਐਸ.ਪੀ.ਤਪਾ ਰਵਿੰਦਰ ਸਿੰਘ ਰੰਧਾਵਾ ਅਤੇ ਥਾਣਾ ਭਦੌੜ ਦੇ ਇੰਚਾਰਜ ਅੰਮ੍ਰਿਤਪਾਲ ਸਿੰਘ ਨੇ ਮਾਮਲੇ ਨੂੰ ਸ਼ਾਤਮਈ ਢੰਗ ਨਾਲ ਹੱਲ ਕਰਵਾ ਲਿਆ ਸੀ ਪਰ ਰੀਜ਼ਨਲ ਸੈਕਟਰੀ ਵਿਕਾਸ ਸਿੰਗਲਾ ਪੀ.ਐਸ.ਈ.ਬੀ.ਈ.ਏ ਬਰਨਾਲਾ, ਇੰਜ.ਪ੍ਰੀਤ ਮਹਿੰਦਰ ਸਿੰਘ, ਨਿਗਰਾਨ ਇੰਜ: ਵੰਡ ਹਲਕਾ ਬਰਨਾਲਾ ਤੇਜ ਬਾਂਸਲ, ਪ੍ਰਧਾਨ ਜਸਵੀਰ ਸਿੰਘ ਧੀਮਾਨ, ਮੀਤ ਪ੍ਰਧਾਨ ਜਤਿੰਦਰ ਗਰਗ ਨੇ ਪੁਲਿਸ ਪ੍ਰਸ਼ਾਸਨ ਨੂੰ ਦੋਸ਼ੀ ਵਿਅਕਤੀਆਂ ਵਿਰੁੱਧ ਕਾਰਵਾਈ ਕਰਨ ਲਈ ਲੰਘੀ ਰਾਤ ਹੀ ਦਬਾਅ ਬਣਾਉਣ ਸ਼ੁਰੂ ਕਰ ਦਿੱਤਾ ਸੀ ਅਤੇ ਐਸ.ਡੀ.ਓ. ਭਦੌੜ ਮਲਕੀਤ ਸਿੰਘ ਦੁਆਰਾ ਪੁਲਿਸ ਨੂੰ ਦਿੱਤੀ ਗਈ ਲਿਖਤੀ ਸ਼ਿਕਾਇਤ ਉਪਰ ਪੁਲਿਸ ਨੇ ਐਫ.ਆਰ.ਆਈ ਨੰ : 95 ਅਧੀਨ ਆਈ.ਪੀ.ਸੀ ਦੀ ਧਾਰਾ 341,353, ਅਤੇ 186 ਤਹਿਤ ਜਗਰਾਜ ਸਿੰਘ ਪੁੱਤਰ ਆਤਮਾ ਸਿੰਘ, ਕਰਤਾਰ ਸਿੰਘ ਪੁੱਤਰ ਗੁਰਚਰਨ ਸਿੰਘ ਵਾਸੀਆਨ ਗਿੱਲ ਕੋਠੇ ਭਦੌੜ, ਕਾਲਾ ਸਿੰਘ ਵਾਸੀ ਭਦੌੜ ਅਤੇ ਗੋਰਾ ਸਿੰਘ ਵਾਸੀ ਵਿਧਾਤੇ ਉਪਰ ਮਾਮਲਾ ਦਰਜ ਕਰ ਦਿੱਤਾ ਹੈ।
ਜਦ ਇਸ ਮਾਮਲੇ ਬਾਰੇ ਭਦੌੜ ਪੁਲੀਸ ਕੁੱਝ ਵੀ ਦੱਸ ਨਹੀਂ ਰਹੀ ਤੇ ਕਹਿ ਰਹੀ ਹੈਕਿ ਕੋਈ ਪਰਚਾ ਦਰਜ ਨਹੀਂ ਹੋਇਆ ਅਤੇ ਡੀਐਸਪੀ ਤਪਾ ਰਵਿੰਦਰ ਸਿੰਘ ਰੰਧਾਵਾ ਵੀ ਪਰਚਾ ਹੋਣ ਰਾਜੇ ਅਗਿਆਨਤਾ ਪ੍ਰਗਟਾ ਰਿਹਾ ਹੈ। ਜਦਕਿ ਇਹ ਜਾਣਕਾਰੀ ਰੀਜ਼ਨਲ ਸੈਕਟਰੀ ਵਿਕਾਸ ਸਿੰਗਲਾ ਪੀਐਸਈਬੀਈਏ ਬਰਨਾਲਾ ਵੱਲੋਂ ਪ੍ਰੈਸ ਨੋਟ ਜਾਰੀ ਕਰਕੇ ਦਿੱਤੀ ਗਈ ਹੈ।
