ਸਾਨੂੰ ਨਹੀਂ ਪਤਾ, ਕੀ ਹੁੰਦੀਂ
ਕਿੱਕਲੀ ਕਲੀਰ ਦੀ ।
ਇਥੇ ਭਾਬੋ ਦਾ ਦੁਪੱਟਾ ‘ਤੇ
ਪੱਗ ਰੁਲ਼ੇ ਮੇਰੇ ਵੀਰ ਦੀ
ਕੋਈ ਮੰਗੇ ਰੁਜ਼ਗਾਰ ਤਦੇ,
ਵਰੵਦੀਆਂ ਡਾਗਾਂ ਨੇ ।
ਬੋਲੀ ਦੀ ਥਾਂ ਜਬਾਨ ਵਿੱਚੋਂ
ਨਿਕਲ ਦੀਆਂ ਚਾਂਗਾਂ ਨੇ
ਹਾਕਮਾਂ ਦੀ ਗੋਲੀ ਜਾਵੇ,
ਸੀਨਿਆਂ ਨੂੰ ਚੀਰਦੀ ।
ਸਾਨੂੰ ਨਹੀ ਪਤਾ, ਕੀ ਹੁੰਦੀ,
ਕਿੱਕਲੀ ਕਰੀਲ ਦੀ ।
ਉੱਚੀਆਂ ਡਿਗਰੀਆਂ ਖੇਤੀਂ,
ਝੋਨੇ ਲਾਉਂਦੀਆਂ ਨੇ ।
,ਅੱਖਾ ਵਿੱਚੋ ਅੱਥਰੂ ਖੂਨ ਦੇ ਵਹਾਉਦੀਆਂ ਨੇ
ਪੈਸੇ ਦੀ ਖੇਡ, ਖੇਡ ਨਾ ਤਕਦੀਰ ਦੀ ।
ਸਾਨੂੰ ਨਹੀ ਪਤਾ ,ਕੀ ਹੁੰਦੀ
ਕਿੱਕਲੀ ਕਰੀਲ ਦੀ —-
ਭਰ ਭਰ, ਡੁੱਬੇ ਜਿੱਥੇ ਬੇੜੀ
ਰਹ ਰੋਜ਼ ਪਾਪ ਦੀ ।
ਕਿੱਕਲੀ ਦੇ ਉਤੇ ਜਿਥੇ , ਨੀਤ
ਬਦਨੀਤ ਬਾਪ ਦੀ
ਸਾਂਝ ਹੀ ਖਤਮ ਹੋ ਚੱਲੀ ਹੁਣ
ਸਤਲੁਜ, ਰਾਵੀ ਨੀਰ ਦੀ
ਸਾਨੂੰ ਨਹੀ ਪਤਾ, ਕੀ ਹੁੰਦੀ
ਕਿੱਕਲੀ ਕਰੀਲ ਦੀ
ਧਰਮ ਪੁਜਾਰੀ ਆਖਦੇ ਨੇ ,
ਔਰਤ ਪਲੀਤ ਏ ।
ਡੁੱਬ ਜਾਣੇ ਖੋਟਿਆਂ ਦੀ
ਨਾ ਕੋਈ ਪ੍ਰਤੀਤ ਏ।
ਮਿੱਟੀ ਪਲੀਤ ਕਰੀ ਜਾਂਵਦੇ
ਮਾਵਾਂ ਚੁੰਘੇ ਦੇ ਸੀਰ ਦੀ ।
ਸਾਨੂੰ ਨਹੀ ਪਤਾ, ਕੀ ਹੁੰਦੀ,
ਕਿੱਕਲੀ ਕਰੀਲ ਦੀ ।
ਮੀਤ ‘ਵੀਰ ਜਦ ਸਾਡੇ ਨਾਲ ਹੈ।
ਹੱਥ ਖੰਡਾ , ਦੂਜੇ ਵਿੱਚ ਢਾਲ਼ ਹੈ
ਓਟ! ਲੈਣੀ ਪਊ ਨਾਲੇ
ਸਾਨੂੰ ਸਮਸ਼ੀਰ ਦੀ ।
ਮੰਗਲ ਮੀਤ
ਪਿੰਡ ਤੇ ਡਾਕ ਪੱਤੋ ਹੀਰਾ ਸਿੰਘ
ਜਿਲ੍ਹਾ ਮੋਗਾ
ਮੋਬਾਈਲ 9417149433
