ਕਈਆਂ ਨੂੰ ਗਲ ਸਮਝਾਈ ਇੱਥੇ,
ਫੇਰ ਕਿਉਂ ਕਰਨ ਵਡਿਆਈ ਇੱਥੇ।
ਗੀਤ ਬਾਰੇ ਬਹੁਤਾ ਨਾ ਜਾਨਣ,
ਕੀਤੀ ਹੈ ਸਮਝ, ਪਰਾਈ ਇੱਥੇ ।
ਵਾਹ ਵਾਹ ਐਂਵੇ ਕਰਦੇ ਸਾਰੇ,
ਕਰਦੇ ਫਿਰਨ ਚਤੁਰਾਈ ਇੱਥੇ।
ਰਾਤੋ-ਰਾਤ ਮੈ ਸ਼ਾਇਰ ਬਣ ਜਾਵਾਂ,
ਅੱਖਰਾਂ ਦੀ ਸਮਝ ਨਾ ਕਾਈ ਇੱਥੇ।
ਮੇਰਾ ਸਨਮਾਨ ਕਰਨਗੇਂ ਲੋਕੀ,
ਪੈਸੇ ਨਾਲ ਰੀਤ ਚਲਾਈ ਇੱਥੇ ।
ਜਿਸ ਮਹਿਫਲ ‘ਚ ਚਲਾ ਗਿਆ ਮੈਂ,
ਧੰਨ-ਧੰਨ ਜਾਊ ਕਰਾਈ ਇੱਥੇ ।
ਪੈਸੇ ਨਾਲ ਕਿਤਾਬ ਛਪਾਉਣੀ,
ਜਾਂਦੇ ਕਈ ਲੋਕ ਛਪਾਈ ਇੱਥੇ ।
ਮੁੱਖ ਬੰਦ ਮੇਰਾ ਲਿਖੂ ਚਟਾਨੀ,
ਜਿਸ ਜੀਰੇ ਕੋਟ ਧੁੰਮ ਪਾਈ ਇੱਥੇ।
ਚਾਪਲੂਸ਼ੀ ਕਰ ਪ੍ਰਧਾਨ ਬਣੂੰਗਾ,
ਜਾਊ ਸਭਾ ਚਲਾਈ ਇੱਥੇ ।
ਹਰ ਪਾਸੇ ਮੇਰੀ ਸੋਭਾ ਹੋਣੀ “ਸੰਧੂ”
ਕਿਉਂ ਜਾਵੇਂ ਝੂਠ ਸੁਣਾਈ ਇੱਥੇ ।
ਕਿਉਂ ਜਾਵੇ,,,,,,,,,,,,,,,,
ਹਰੀ ਸਿੰਘ ਸੰਧੂ ਸੁਖੇਵਾਲਾ
ਮੋਬਾ—098774 / 76161
