ਹੰਝੂ

ਨੈਣ ਕਟੋਰੇ ਹੰਝੂ ਸਾਥੀ,
ਭਰ ਭਰ ਬਾਹਰ ਨੂੰ ਆਉਂਦੇ।
ਨਹੀਂ ਰੁਕਦੇ ਕਿਸੇ ਦੇ ਰੋਕਿਆਂ,
ਆਪ ਮੁਹਾਰੇ ਚੋਂਦੇ।
ਆਪਣੀ ਗੱਲ ਕਦੇ ਨਾ ਦੱਸਣ,
ਗੀਤ ਬਿਰਹੋਂ ਦੇ ਗਾਉਂਦੇ।
ਜਦੋਂ ਕੋਈ ਵਿਛੜੇ ਦਿਲ ਦਾ ਮਹਿਰਮ,
ਜਾ ਆਪਣਿਆਂ ਨੂੰ ਗਲ ਲਾਉਂਦੇ।
ਹੰਝੂ ਸਾਥੀ ਜਿੰਦ ਮੇਰੀ ਦੇ,
ਰਹਿੰਦੇ ਜੀ ਲਵਾਉਂਦੇ।
ਬਣ ਸਮੁੰਦਰ ਜਦ ਵੀ ਵਗਦੇ,
ਪਰ ਕਦੇ ਨੀ ਪਿਆਸ ਬਝਾਉਂਦੇ।
ਲੁਕੀਆਂ ਪੀੜਾਂ ਦਿਲ ਦੇ ਅੰਦਰ,
ਬਿਨ ਬੋਲਿਆਂ ਸਮਝਾਉਂਦੇ,
ਪੱਤੋ ਹੰਝੂ ਮੋਤੀ ਹੁੰਦੇ,
ਜੋ ਗਲੇ ਦਾ ਹਾਰ ਬਣਾਉਂਦੇ।
ਹਰਪ੍ਰੀਤ ਪੱਤੋ

ਪਿੰਡ ਪੱਤੋ ਹੀਰਾ ਸਿੰਘ (ਮੋਗਾ) 94658-21417