ਰਜਨੀ ਵਾਲੀਆ, ਕਪੂਰਥਲਾ
ਗੂਰੂ ਤੇਗਬਹਾਦਰ ਆਪਣੀਂ ਜਾਨ ਜੋ ਵਾਰ ਗਏ,
ਗੂਰੂ ਜੀ ਹਿੰਦੂ ਕੌਮ ਦੇ ਉੱਤੇ ਕਰ ਉਪਕਾਰ ਗਏ |
ਜਨਮ ਲਿਆ ਸੀ ਗੂਰੂਆਂ ਦੇ ਘਰ,
ਆਪ ਵੀ ਗੂਰੂ ਕਹਾਏ |
ਜ਼ਾਲਮ ਮੁਗਲਾਂ ਦੇ ਹੱਥੋਂ ਤੁਸੀਂ,
ਪੰਡਤ ਆਪ ਬਚਾਏ |
ਜਿੱਤਣ-ਜਿੱਤਣ ਕਰਦੇ ਮੁਗਲ,
ਤੁਹਾਥੋਂ ਹਾਰ ਗਏ |
ਹਿੰਦੂ ਕੌਮ ਦੇ ਉੱਤੇ ਕਰ ਉਪਕਾਰ ਗਏ |
ਕਸ਼ਮੀਰ ਚ ਹਾ-ਹਾ ਕਾਰ ਮਚਾਈ,
ਮੁਗਲਾਂ ਜੰਜੂ ਲਾਹ-ਲਾਹ ਸੁੱਟੇ |
ਪੰਡਤ ਕਰੇ ਜਲੀਲ ਮੁਗਲਾਂ,
ਸਾਰੇ ਦੇ ਸਾਰੇ ਬੇਰਹਿਮੀ ਨਾਲ ਕੁੱਟੇ |
ਉਹਨਾਂ ਦੇ ਸ਼ਬਦਾਂ ਨਾਲ ਲੜਨ ਲਈ,
ਮਨ ਕਰਕੇ ਤਲਵਾਰ ਗਏ |
ਹਿੰਦੂ ਕੌਮ ਦੇ ਉੱਤੇ ਕਰ ਉਪਕਾਰ ਗਏ |
ਚਾਂਦਨੀ ਚੌਕ ਚ ਜਾ ਤੁਸਾਂ,
ਨੇਂ ਜਦ ਸੀ ਸੀਸ ਕਟਾਇਆ |
ਤਦ ਮੁਗਲਾਂ ਦੇ ਹੰਕਾਰ ਨੂੰ,
ਤੁਸਾਂ ਮਿੱਟੀ ਵਿੱਚ ਮਿਲਾਇਆ |
ਉਦੋਂ ਤਾਂ ਠੰਡੇ ਭੱਠ ਪਏ ,
ਵੀ ਹੋ ਅੰਗਿਆਰ ਗਏ |
ਹਿੰਦੂ ਕੌਮ ਦੇ ਉੱਤੇ ਕਰ ਉਪਕਾਰ ਗਏ |
ਰਜਨੀ ਗੂਰੂ ਸਾਹਿਬ ਨੇ ਆਪਣੇਂ,
ਮੂੰਹੋਂ ਏ ਜਦ ਸੀ ਫੁਰਮਾਇਆ |
ਬਲਿਦਾਨ ਦਿਆਂਗਾ ਮੈਂ ਪੰਡਤ ਜੀ,
ਤੁਹਾਡਾ ਦਿਲ ਕਿਉਂ ਘਬਰਾਇਆ |
ਗੂਰ ਦਰਬਾਰ ਚੋਂ ਸਭ,
ਪੰਡਤ ਲੈ ਸਤਿਕਾਰ ਗਏ |
ਹਿੰਦੂ ਕੌਮ ਦੇ ਉੱਤੇ ਕਰ ਉਪਕਾਰ ਗਏ |
