ਰਜਨੀ ਵਾਲੀਆ, ਕਪੂਰਥਲਾ
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਮਿੱਟੀ ਦੇ ਵਿੱਚ ਰੁੱਖ ਉੱਗਦੇ ਨੇਂ,
ਮਿੱਟੀ ਕਰਦੀ ਛਾਂ |
ਇਸ ਮਿੱਟੀ ਦੇ ਉੱਤੇ ਖੜਕੇ,
ਤੂੰ ਕਰਦਾ ਏਂ ਮਨਮਾਨੀ |
ਭਲਾ ਨਾ ਲੋਚੇਂ ਕਿਸੇ ਦਾ,
ਬੰਦਿਆ ਕਰਦਾ ਏ ਨਿੱਤ ਹਾਨੀਂ |
ਮਿੱਟੀ ਸਭ ਕੁਝ ਚੁੱਪ ਕਰ ਸਹਿੰਦੀ,
ਏ ਸਦਾ ਰੱਖਦੀ ਬੰਦ ਜੁ਼ਬਾਂ |
ਮਿੱਟੀ ਨਾਲ ਮੁਖਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਰੱਜਿਆ ਏ ਤਾਂ ਭੁੱਖੇ ਮਾਰੇਂ,
ਕਰੇਂ ਤਾਨਾਸ਼ਹੀ ਰੱਜ ਕੇ |
ਇੱਕ ਦਿਨ ਲੇਖਾ ਦੇਣਾਂ ਪੈਣਾਂ,
ਕਿੱਥੇ ਜਾਏਂਗਾ ਭੱਜਕੇ |
ਏ ਝੂਠੇ ਮਹਿਲ ਮੁਨਾਰੇ ਸਾਰੇ,
ਇੱਕੋ ਤੇਰਾ ਗਰਾਂ |
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਮਿੱਟੀ ਤੇਰੇ ਐਬ ਕਜੇਂਦੀ,
ਪਰ ਤੂੰ ਐਬੀ ਤਗੜਾ |
ਮਤਲਬੀ ਤੇ ਹੰਕਾਰੀ ਬੰਦਿਆ,
ਲਾਈ ਜਾਨਾਂ ਏ ਰਗੜਾ |
ਤੂੰ ਸਮਝੇਂ ਏ ਤੇਰਾ ਏ,
ਪਰ ਰਹਿਣਾ ਨਈਂ ਸਮਾਂ |
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਜਿਉਂ ਮਿੱਟੀ ਨਾਲ ਭਾਂਡਾ ਬਣਦਾ,
ਤੂੰ ਵੀ ਤਾਂ ਮਿੱਟੀ ਦਾ ਪੂਰਾ |
ਕਦੇ ਮਾਣ ਕਰੀਂ ਨਾ ਕਾਸੇ ਚੀਜ਼ ਦਾ,
ਤੂੰ ਰਹਿਣਾ ਸਦਾ ਅਧੂਰਾ |
ਤੁੰ ਉਸ ਦਾ ਬਣ ਜਾਣਾਂ ਏ,
ਓਨੇ ਘੱਲਿਆ ਸੀ ਤੈਨੂੰ ਤਾਂ |
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਰੱਬ ਦੇ ਨਾ ਤੇ ਵੀ ਬੰਦਿਆ,
ਤੂੰ ਲੁੱਟਾਂ ਖੋਹਾਂ ਕਰਦਾ |
ਰੱਬ ਨੂੰ ਬੁੱਤ ਮਿੱਟੀ ਦਾ ਜਾਣੇਂ,
ਭੈਅ ਨਈਂ ਉਸਦਾ ਕਰਦਾ |
ਸਵਾਸ-ਸਵਾਸ ਨਾਲ ਰਾਮ ਧਿਆਵੇਂ,
ਫਿਰ ਵੀ ਕਰੇਂ ਗੁਨਾਂਹ |
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਤੈਨੂੰ ਇੱਕ ਦਿਨ ਕਿਸੇ ਮੁੱਠੀ ਨੇਂ,
ਚੱਕ ਕੁੱਜੇ ਦੇ ਵਿੱਚ ਪਾਉਣਾ |
ਤੇਰੇ ਆਪਣਿਆਂ ਆਪਣੇਂ ਹੱਥੀਂ,
ਤੈਨੂੰ ਚਿਖਾ ਦੇ ਵਿੱਚ ਲਿਟਾਉਣਾਂ |
ਮਿੱਟੀ ਦਾ ਹੀ ਹੋਣਾਂ ਤੇਰਾ,
ਭੱਜਣਾਂ ਏ ਜੋ ਘੜਾ |
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
ਨਵੀਂ-ਨਵੀਂ ਤਕਨੀਕ ਨਾਲ ਤੂੰ,
ਵਿਸਫੋਟ ਇਕੱਠੇ ਕਰ ਲਏ |
ਆਪਣੀਂ ਝੂਠੀ ਸ਼ਾਨ ਦੀ ਖਾਤਿਰ,
ਤੂੰ ਬੇਸਮੈਂਟ ਸਭ ਭਰ ਲਏ |
ਰਜਨੀ ਏਨੂੰ ਪਤਾ ਲੱਗਣ ਨਈਂ ਦੇਣਾ,
ਓਨੇ ਕੀਤਾ ਜਦੋਂ ਫਨਾਂਹ |
ਮਿੱਟੀ ਨਾਲ ਮੁਹੱਬਤ ਹੋ ਗਈ,
ਮਿੱਟੀ ਮੇਰੀ ਮਾਂ |
