ਰਜਨੀ ਵਾਲੀਆ, ਕਪੂਰਥਲਾ
ਤੂੰ ਵੀ ਇੱਕ ਇਨਸਾਨ ਹੈਂ,
ਤੇ ਮੈਂ ਵੀ ਇੱਕ ਇਨਸਾਨ ਹਾਂ |
ਤੂੰ ਵੀ ਹਾਲੇ ਨਾਦਾਨ ਹੈਂ,
ਤੇ ਮੈਂ ਵੀ ਹਾਲੇ ਨਾਦਾਨ ਹਾਂ |
ਪੈਸ ਹੱਥ ਵਿੱਚ ਆ ਜਾਵੇ,
ਤਾਂ ਤੂੰ ਫਿਤਰਤ ਬਦਲ ਲਵੇਂ |
ਤੂੰ ਰੱਬ ਨੂੰ ਆਖੇਂ ਕੌਣ ਏਂ,
ਤੇ ਖੁਦ ਨੂੰ ਕਹੇਂ ਭਗਵਾਨ ਹਾਂ |
ਤੂੰ ਗਲਤੀ ਕਰਕੇ ਮੰਨਦਾ ਨਈਂ,
ਤੇ ਮੁੜ ਮਗਰੋਂ ਪਛਤਾਉਂਦਾ ਨਾ |
ਮੈਂ ਤਾਂ ਬੰਦਿਆ ਤੇਰੀ ਇਸੇ,
ਗੱਲ ਤੋਂ ਹੀ ਪਰੇਸ਼ਾਨ ਹਾਂ |
ਇੱਕ ਕੌਲ ਕਰੇ ਦੂਜਾ ਪੂਰਾ ਉੱਤਰੇ,
ਦਿਲ ਦੇ ਵਿੱਚ ਮੁਹੱਬਤ ਰੱਖੇ |
ਐਸੇ ਤਾਂ ਇਨਸਾਨ ਦੇ ਉੱਤੋਂ,
ਮੈ ਸੱਚ ਮੁੱਚ ਹੈਰਾਨ ਹਾਂ |
ਜੋ ਮਾਲਕ ਮੇਰੇ ਲਈ ਕਰਦਾ ਏ,
ਮੈਂ ਉਸਨੂੰ ਕੀਵੇਂ ਵਿਸਾਰ ਦਿਆਂ |
ਓ ਮੇਰੀ ਪਹਿਚਾਣ ਹੈ ਤੇ ,
ਹੁਣ ਮੈ ਉਸਦੀ ਪਹਿਚਾਨ ਹਾਂ |
ਓ ਮਹਿਕਾਂ ਦੀ ਗਾਗਰ ਏ ਤੇ,
ਮੈਂ ਗਾਗਰ ਵਿੱਚ ਮਹਿਕ ਜਈ |
ਰਜਨੀ ਜੇ ਓ ਫੁੱਲ ਗੁਲਾਬ ਦਾ,
ਤਾਂ ਮੈਂ ਉਸਦੀ ਗੁਲਦਾਨ ਹਾਂ |
