ਦੁੱਖਭੰਜਨ ਰੰਧਾਵਾ
ਸੁੱਚਾ ਸਿੰਘ ਦਾ ਪੁੱਤਰ ਪਲੇਠਾ ,
ਕੁਲਦੀਪ ਕੌਰ ਦਾ ਲਾਡਲਾ ਲਾਲ।
ਧਰਵਿੰਦਰ ਔਲਖ ਬਣ ਗਿਆ ,
ਅੱਜ ਲੋਕਾਂ ਲਈ ਇੱਕ ਮਿਸਾਲ।
ਦਿਨ ਦੇਖੇ ਸੀ ਉਹ ਵੀ ਜਦੋਂ ,
ਨਹੀਂ ਸਨ ਹੁੰਦੇ ਘਰ ਵਿੱਚ ਦਾਣੇ।
ਮੈਥੋਂ ਨਹੀਂ ਸਨ ਵੇਖੇ ਜਾਂਦੇ ,
ਮੇਰੇ ਘਰ ਵਿੱਚ ਰੋਂਦੇ ਨਿਆਣੇ।
ਮਨ ਵਿੱਚ ਰੋਟੀ ਜੋਗੇ ਹੋਣਾ ਕਿਵੇਂ ,
ਆਉਂਦਾ ਸੀ ਮਨ ਵਿੱਚ ਸਵਾਲ।
ਧਰਵਿੰਦਰ ਔਲਖ ਬਣ ਗਿਆ
ਖੇਤੀਬਾੜੀ ਵਿੱਚ ਹੱਥ ਵਟਾਇਆ ,
‘ਤੇ ਵੱਢਦਾ ਰਿਹਾ ਹੈ ਪੱਠੇ ਵੀ।
ਦੂਰ ਜਾਣਦਾ ਚਾਅ ਪਾਲਿਆ ,
ਸੁਪਨੇ ਕੀਤੇ ਇਕੱਠੇ ਵੀ।
ਡਿੱਗਦਾ ਢਹਿੰਦਾ ਉਠਦਾ ਬਹਿੰਦਾ ,
ਮੰਜ਼ਿਲ ਤੇ ਪਹੁੰਚ ਗਿਆ ਹਰ ਹਾਲ।
ਧਰਵਿੰਦਰ ਔਲਖ ਬਣ ਗਿਆ
ਮੀਂਹ ਵਿੱਚ ਭਿੱਜਿਆ ਧੁੱਪੇ ਸੜਿਆ ,
ਤੱਕੇ ਆਪਣੇ ਵੀ ਹੁੰਦੇ ਪਰਾਏ।
ਸਿਰ ਤੇ ਮਾਂ ਬਿਨ ਜਦ ਕੋਈ ਹੱਥ ,
ਧਰੇ ਨਾ ਤਾਂ ਬੰਦਾ ਕਿੱਧਰ ਨੂੰ ਜਾਏ।
ਨਿੱਕੇ ਘਰ ਵਿੱਚ ਬਚਪਨ ਕੱਟਿਆ ,
ਜਦੋਂ ਸਾਡੀ ਚੋਂਦੀ ਸੀ ਤਿਰਪਾਲ।
ਧਰਵਿੰਦਰ ਔਲਖ ਬਣ ਗਿਆ
ਤਿੰਨ ਧੀਆਂ ਤੇ ਤਿੰਨ ਪੁੱਤਾਂ ਦਾ
ਹੈ ਬਾਪੂ ਜੀ ਦਾ ਸੋਹਣਾ ਪਰਿਵਾਰ।
ਬਾਪੂ ਦੇ ਸਿਰ ਤੇ ਮੌਜਾਂ ਸੀ ਬੜੀਆਂ ,
ਚਲਦੀ ਸੀ ਸੋਹਣੀ ਸਰਕਾਰ।
ਵਿੱਚ ਵਿਹੜੇ ਦੇ ਕੱਠੇ ਹੋ ਕੇ ,
ਖੇਡਦੇ ਰਹੇ ਸਭ ਬਾਲ।
ਧਰਵਿੰਦਰ ਔਲਖ ਬਣ ਗਿਆ
ਦਿਨ ਸੀ ਅੌਖੇ ਪਰ ਬਾਪੂ ਜੀ ਨੇ ,
ਬੱਚਿਆਂ ਨੂੰ ਖੂਬ ਪੜਾਇਆ।
ਮਿਹਨਤ ਦੇ ਡੰਡਿਆਂ ਦੀ ਪੌੜੀ ,
ਉਨਾਂ ਆਪਣੇ ਹੱਥੀਂ ਆਪ ਚੜਾਇਆ।
ਅੱਜ ਮੰਤਰੀ ਜਿਹਾ ਟੌਹਰ ਹੈ ਜੱਟ ਦਾ ,
ਜੋ ਹੁੰਦਾ ਸੀ ਕਦੇ ਕੰਗਾਲ |
ਧਰਵਿੰਦਰ ਔਲਖ ਬਣ ਗਿਆ
ਸਕੱਤਰ ਕੇਂਦਰੀ ਲੇਖਕ ਸਭਾ ਦਾ,
ਸਾਹਿਤ ਸਭਾ ਦਾ ਪ੍ਰਧਾਨ ਵੀ ਉਹ ।
ਪੱਤਰਕਾਰ ਅਜੀਤ ਅਖ਼ਬਾਰ ਦਾ ,
ਮਿੱਤਰਾਂ ਦੀ ਜਿੰਦ ਜਾਨ ਵੀ ਉਹ ।
ਲੋੜ ਪਵੇ ਜਦ ਕਦੇ ਮਿੱਤਰਾਂ ਨੂੰ ,
ਬਣ ਜਾਂਦਾ ਲੋਹੇ ਦੀ ਢਾਲ ।
ਧਰਵਿੰਦਰ ਔਲਖ ਬਣ ਗਿਆ
ਕਾਫੀ ਸਾਹਿਤਕ ਪਰਚਿਆਂ ਦਾ,
ਸੰਪਾਦਕ ਤੇ ਰੂਹੇ ਰਵਾਂ ਹੈ ਉਹ ।
ਉਮਰ ਵੱਲੋਂ ਭਾਵੇਂ ਅਧਖੜ ਹੋਇਆ ,
ਵੇਖਣ ਨੂੰ ਅਜੇ ਜਵਾਨ ਹੈ ਉਹ ।
ਮੋਟਰ ਸਾਈਕਲ ਤੇ ਚੜਿਆ ਰਹਿੰਦਾ ,
ਕਰਫਿਊ ਹੋਵੇ ਜਾਂ ਹੋਵੇ ਹੜਤਾਲ |
ਧਰਵਿੰਦਰ ਅੌਲਖ ਬੲਣ ਗਿਆ
ਕਿਰਤੀ ਬਾਪ ਦਾ ਕਿਰਤੀ ਪੁੱਤਰ ,
ਦੁੱਖਭੰਜਨਾ ਕਰਦਾ ਨੇਕ ਕਮਾਈਆਂ ।
ਲੋਕੀੰ ਉਸ ਦੀਆਂ ਲੱਤਾਂ ਖਿੱਚਣ ,
ਪਰ ਉਸ ਦੀਆਂ ਫੁਲ ਚੜਾਈਆਂ ।
ਸੋਚ ਨੂੰ ਉੱਚੀ ਸੁੱਚੀ ਰਖਿਆ ,
ਨਹੀਂ ਲੱਗਣ ਦਿੱਤਾ ਜੰਗਾਲ |
ਧਰਵਿੰਦਰ ਔਲ਼ਖ ਬਣ ਗਿਆ
ਪਤਨੀ ਹਰਜਿੰਦਰ ਸੁੱਘੜ ਸਿਆਣੀ ,
ਜਿਸ ਘਰ ਨੂੰ ਖੂਬ ਸੰਭਾਲਿਆ ।
ਸ਼ੇਰਾਂ ਵਰਗੇ ਦੋ ਪੁੱਤਰ ਜੰਮੇ ,
ਜਿਨ੍ਹਾਂ ਨੂੰ ਦੁੱਧ ਮੱਖਣਾ ਨਾ ਪਾਲਿਆ ।
ਅੌਖੇ ਅੌਖੇ ਜਿੰਦਗੀ ਦੇ ਕਈ ,
ਹੱਲ ਕਰਤੇ ਉਸ ਸਵਾਲ ।
ਧਰਵਿੰਦਰ ਅੌਲਖ ਬਣ ਗਿਆ,
ਅੱਜ ਲੋਕਾਂ ਲਈ ਇੱਕ ਮਿਸਾਲ ।
