ਗਲਾਸਗੋ (ਅਮਰ ਮੀਨੀਆਂ)
ਜੈੱਟ2 ਏਅਰ ਲਾਈਨ ਨੇ ਗਲਾਸਗੋ ਏਅਰਪੋਰਟ ਅਤੇ ਐਡਿਨਬਰਗ ਏਅਰਪੋਰਟ ਤੋਂ ਮੇਨਲੈਂਡ ਸਪੇਨ, ਬੇਲੇਅਰਿਕ ਆਈਲੈਂਡਜ਼ ਅਤੇ ਕੈਨਰੀ ਆਈਲੈਂਡਜ਼ ਲਈ ਆਉਣ ਵਾਲੀਆਂ ਹਫ਼ਤਿਆਂ ਲਈ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਸਪੇਨ ਜਾ ਕੇ ਛੁੱਟੀਆਂ ਮਨਾਉਣ ਵਾਲਿਆਂ ਨੂੰ ਉਮੀਦ ਹੈ ਕਿ ਉਨ੍ਹਾਂ ਦੀ ਵਾਪਸੀ ਤੋਂ ਪਹਿਲਾਂ ਕੁਆਰੰਟੀਨ ਨਿਯਮ ਵਾਪਸ ਲੈ ਲਏ ਜਾਣਗੇ।
ਵਿਦੇਸ਼ੀ ਯਾਤਰੀਆਂ ਲਈ ਅਲੱਗ ਅਲੱਗ ਨਿਯਮਾਂ ਬਾਰੇ ਸਕਾਟਲੈਂਡ ਦੀ ਸਰਕਾਰ ਦੇ ਐਲਾਨ ਤੋਂ ਬਾਅਦ ਜੇਟ 2 ਨੇ ਸਕਾਟਲੈਂਡ ਤੋਂ ਸਪੇਨ ਲਈ ਆਉਣ ਵਾਲੇ ਹਫ਼ਤਿਆਂ ਲਈ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਏਅਰ ਲਾਈਨ ਨੇ ਗਲਾਸਗੋ ਏਅਰਪੋਰਟ ਅਤੇ ਐਡਿਨਬਰਗ ਏਅਰਪੋਰਟ ਤੋਂ ਮੇਨਲੈਂਡ ਸਪੇਨ, ਬੈਲੇਅਰਿਕ ਆਈਲੈਂਡਜ਼ ਅਤੇ ਕੈਨਰੀ ਆਈਲੈਂਡਜ਼ ਲਈ 25 ਜੁਲਾਈ ਤੱਕ ਦੀਆਂ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਸਾਈਪ੍ਰਸ, ਪੁਰਤਗਾਲ ਅਤੇ ਮਡੇਰਾ ਲਈ ਯੂਕੇ ਦੇ ਹਵਾਈ ਅੱਡਿਆਂ ਦੀਆਂ ਉਡਾਣਾਂ ਵੀ 1 ਅਗਸਤ ਤੱਕ ਰੱਦ ਕਰ ਦਿੱਤੀਆਂ ਗਈਆਂ ਹਨ।
ਜੈੱਟ 2 ਨੇ ਹਾਲਾਂਕਿ ਅਗਲੇ ਹਫ਼ਤੇ (15 ਜੁਲਾਈ) ਨੂੰ ਬੁੱਧਵਾਰ ਨੂੰ ਸਕਾਟਲੈਂਡ ਤੋਂ ਹੋਰ ਪ੍ਰਸਿੱਧ ਛੁੱਟੀਆਂ ਵਾਲੀਆਂ ਥਾਵਾਂ ਲਈ ਉਡਾਣਾਂ ਅਤੇ ਛੁੱਟੀਆਂ ਦੁਬਾਰਾ ਸ਼ੁਰੂ ਕਰਨ ਦੀਆਂ ਯੋਜਨਾਵਾਂ ਦੀ ਪੁਸ਼ਟੀ ਕੀਤੀ ਹੈ।
