ਹਮਬਰਗ (ਅਮਰਜੀਤ ਸਿੰਘ ਸਿੱਧੂ)
ਸ੍ਰੀਮਤੀ ਰਮਨਜੀਤ ਕੌਰ ਤੇ ਸਃ ਸਤਨਾਮ ਸਿੰਘ ਵਿਰਕ ਦੀ ਬੇਟੀ ਅਨੁਰੀਤ ਕੌਰ ਨੇ ਬਰਮਫੀਲਡ ਡੌਫ ਪਲਾਟਸ ਸਕੂਲ ਦੀ ਬਾਰ੍ਹਵੀਂ ਕਲਾਸ ਦੇ ਇਮਤਿਹਾਨ ਵਿਚੋਂ ਸਕੂਲ ਦੇ ਸਾਰੇ ਵਿਦਿਆਰਥੀਆਂ ਤੋਂ ਵੱਧ ਨੰਬਰ ਪ੍ਰਾਪਤ ਕਰਦਿਆਂ ਸਕੂਲ ਦਾ ਪਿੱਛਲੇ ਪੰਜ ਸਾਲਾਂ ਦਾ ਰਿਕਾਰਡ ਤੋੜਿਆ। ਅਨੁਰੀਤ ਨੇ ਸਾਰੇ ਮਜਬੂਨਾਂ ਵਿਚੋਂ ਜੀ 1 ਨੋਟੇ ਪ੍ਰਾਪਤ ਕੀਤੇ। ਅਨੁਰੀਤ ਇਕ ਸਾਲ ਤੋਂ ਸਕੂਲ ਦੇ ਵਿਦਿਆਰਥੀਆਂ ਦੇ ਬੁਲਾਰੇ ਦੀ ਭੂਮਿਕਾ ਨਿਭਾ ਰਹੀ ਹੈ ਤੇ ਛੇਵੀਂ ਜਮਾਤ ਤੋਂ ਲਗਾਤਾਰ ਕਲਾਸ ਦੀ ਮਨੀਟਰ ਵੀ ਹੈ। ਅਨੁਰੀਤ ਦੇ ਪਹਿਲੇ ਨੰਬਰ ਤੇ ਆਉਣ ਨਾਲ ਜਿਥੇ ਪ੍ਰਵਾਰ ਵਿਚ ਖੁਸ਼ੀ ਹੈ ਉਥੇ ਮਾਂ ਬਾਪ ਨੂੰ ਪੰਜਾਬੀ ਭਾਈਚਾਰੇ ਵੱਲੋਂ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ।
