ਦੁੱਖਭੰਜਨ ਰੰਧਾਵਾ
0351920036369
ਪੱਤਾ-ਪੱਤਾ ਕੁਮਲਾ ਜਾਂਦਾ ਏ,
ਜਦੋਂ ਤੇਰਾ ਚੇਤਾ ਆ ਜਾਂਦਾ ਏ |
ਤੇਰੀ ਯਾਦ ਦਾ ਹੱਲ ਚੰਦਰਾ ਵੇ,
ਦਿਲ ਦੀਆਂ ਫਸਲਾਂ ਵਾ ਜਾਦਾ ਏ |
ਤੇਰੀ-ਮੇਰੀ ਲੱਗੀ ਦਾ ਮਹਿਰਮਾ,
ਔ ਟੁੱਟਿਆ ਤਾਰਾ ਗਵਾਹ ਜਾਂਦਾ ਏ |
ਜਦੋਂ ਨੈਣ ਹੋ ਜਾਵਣ ਹੰਝੂ-ਹੰਝੂ,
ਫਿਰ ਅੰਬਰੀਂ ਬੱਦਲ ਛਾ ਜਾਂਦਾ ਏ |
ਸੌਣ ਨਈ ਦੇਂਦਾ ਰਾਤ ਨੂੰ ਮੈਨੂੰ,
ਗ਼ਮ ਤੇਰਾ ਵੱਢ-ਵੱਢ ਖਾ ਜਾਂਦਾ ਏ |
ਕੋਈ ਤਾਅ ਕੇ ਭੱਠ ਫਿਰਾਕਾਂ ਵਾਲੀ,
ਕੋਈ ਮੈਨੂੰ ਉਸ ਵਿੱਚ ਡਾਹ ਜਾਂਦਾ ਏ |
ਕੋਈ ਤਾਂ ਬਾਗੋਂ ਫੁੱਲ ਵਿੱਚ ਰੱਖ ਕੇ,
ਸੀਨੇ ਵਿੱਚ ਖਾਰ ਚੁਭਾ ਜਾਂਦਾ ਏ |
ਦੁੱਖਭੰਜਨਾਂ ਰੂਹ ਰੱਜੀ ਰਹਿੰਦੀ,
ਭਾਵੇਂ ਕਰਕੇ ਇਸ਼ਕ ਤਬਾਹ ਜਾਦਾ ਏ |
