ਕਵੀ ਪ੍ਸ਼ੋਤਮ ਪੱਤੋ ।
ਧੀਆਂ ਮੇਰੀਆਂ !
ਚਿੜੀਆਂ ਨਹੀਂ ਹੋਣਗੀਆਂ
ਨਾ ਹੀ ਵਿਚਾਰੀਆਂ
ਸਮੇਂ ਦੀਆਂ ਮਾਰੀਆਂ ।
ਧੀਆਂ ਮੇਰੀਆਂ ਹੋਣਗੀਆਂ
ਦ੍ਰਿੜ ਇਰਾਦੇ, ਬੁਲੰਦ ਹੌਸਲੇ ਵਾਲੀਆਂ।
ਧੀਆਂ ਮੇਰੀਆਂ !
ਜਵਾਨ ਹੋ ਕੇ
ਨਹੀਂ ਹੋਣਗੀਆਂ ਭਾਂਵੇ ਸੁੰਦਰ
ਪਰ ਉਨ੍ਹਾ ਕੋਲ ਹੋਵੇਗੀ ਪੂੰਜੀ
ਤੇ ਜੀਵਨ ਜਾਂਚ
ਸਾਡੇ ਵਿਰਸੇ ਦੀ ।
ਧੀਆਂ ਮੇਰੀਆਂ ਸਮਰਥ ਹੋਣਗੀਆਂ ,
ਲੜਨ ਦੇ, ਮੁਕਾਬਲਾਕਰਨ ਦੇ,
ਹਾਕਮਾਂ ਦੀ ਕੈਰੀ ਅੱਖ ਭੰਨਣ
ਤੇ ਜਾਬਰ ਹੱਥ ਦਾ
ਚੂਰਮਾ ਬਣਾਉਣ ਲਈ ।
ਧੀਆਂ ਮੇਰੀਆਂ !
ਸਿਰਜਣਗੀਆਂ ਨਵਾਂ ਯੁੱਗ,
ਨਵਾਂ ਇਤਿਹਾਸ
ਔਰਤ ਹੱਕਾਂ ਵਾਸਤੇ ।
