ਦੁੱਖਭੰਜਨ ਰੰਧਾਵਾ
0351920036369
ਸੱਚ ਆਖਾਂ ਜਿੰਦਗੀ,
ਜਿਉਣੀ ਹੁਣ ਆਈ ਏ |
ਜਦੋਂ ਦੀ ਤੂੰ ਸੱਜਣਾਂ ਓਏ,
ਮੇਰੇ ਨਾਲ ਲਾਈ ਏ |
ਸੱਚ ਆਖਾਂ ਜਿੰਦਗੀ,
ਜਿਉਣੀ ਹੁਣ ਆਈ ਏ |
ਮੇਰੀ ਖੁਸੀ਼ ਤੇ ਸਕੂਨ ,
ਮੇਰਾ ਚਾਅ ਤੇਰੇ ਨਾਲ ਏ |
ਮੇਰੀ ਮੇਰੇ ਯਾਰਾ ਓਏ ,
ਦੁਆ ਤੇਰੇ ਨਾਲ ਏ |
ਮੈਨੂੰ ਤੇਰੇ ਵਿੱਚੋਂ ਯਾਰਾ,
ਲੱਭ ਗਈ ਖੁਦਾਈ ਏ |
ਸੱਚ ਆਖਾਂ ਜਿੰਦਗੀ,
ਜਿਉਣੀ ਹੁਣ ਆਈ ਏ |
ਮੈਂ ਤੇਰੀਆਂ ਉਡੀਕਾਂ ਵਿੱਚ,
ਜਿੰਦਗੀ ਗਵਾ ਲਵਾਂ |
ਆਪਣੇ ਮੈਂ ਆਪ ਨੂੰ,
ਕੋਈ ਫੱਕਰ ਬਣਾ ਲਵਾਂ |
ਫੇਰ ਲੋਕਾਂ ਆਖਣਾਂ ਏ ,
ਹੋ ਗਿਆ ਸੁ਼ਦਾਈ ਏ |
ਸੱਚ ਆਖਾਂ ਜਿੰਦਗੀ ,
ਜਿਉਣੀ ਹੁਣ ਆਈ ਏ |
ਤੂੰ ਬਾਗ ਦਾ ਓ ਫੁੱਲ ਜਿਸਦੀ,
ਮਹਿਕ ਰਵਾਂ ਮਾਣਦਾ |
ਤੈਨੂੰ ਸਮਝਿਆ ਨਾ ਕੋਈ,
ਬਸ ਮੈਂ ਹੀ ਤੈਨੂੰ ਜਾਣਦਾ |
ਜ਼ਰਾ-ਜ਼ਰਾ ਧਰਤੀ ਦਾ,
ਭਰਦਾ ਗਵਾਹੀ ਏ |
ਸੱਚ ਆਖਾਂ ਜਿੰਦਗੀ ,
ਜਿਉਣੀ ਹੁਣ ਆਈ ਏ |
ਉਹ ਵੀ ਕੇਹੀ ਰਾਤ ਸੀ,
ਜਿਸ ਮੇਲ ਕਰਵਾਏ ਸੀ |
ਤੇ ਗੱਲਾਂ-ਗੱਲਾਂ ਵਿੱਚ,
ਇੱਕ ਦੂਸਰੇ ਨੂੰ ਭਾਏ ਸੀ |
ਚਾਵਾਂ ਤੇ ਰੀਝਾਂ ਨੇਂ ਚਾਅ,
ਨਾਲ ਲਈ ਅੰਗੜਾਈ ਏ |
ਸੱਚ ਆਖਾਂ ਜਿੰਦਗੀ ,
ਜਿਉਣੀ ਹੁਣ ਆਈ ਏ
ਨੀਂ ਤੇਰੇ ਤੇ ਮੇਰੇ ਜਿੰਦੇ,
ਇਸ ਰੱਜਵੇਂ ਪਿਆਰ ਦੀ |
ਉਥੇ ਤੇਰੇ ਤੇ ਏਥੇ ਜਿੰਦੇ,
ਹੋ ਰਏ ਮੇਰੇ ਇੰਤਜਾਰ ਦੀ |
ਮੈਨੂੰ ਹਾਲੇ ਵੀ ਨਈਂ ਪਤਾ,
ਇਸਦੀ ਕਿੰਨੀ ਗਹਿਰਾਈ ਏ |
ਸੱਚ ਆਖਾਂ ਜਿੰਦਗੀ ,
ਜਿਉਣੀ ਹੁਣ ਆਈ ਏ
ਨੀ ਤੈਨੂੰ ਕਦੇ ਜੇ ਵਿਸਾਰਾਂ,
ਉਸੇ ਥਾਂ ਈ ਮਰ ਜਾਵਾਂ |
ਤੇ ਤੇਰਿਆਂ ਦੁੱਖਾਂ ਨੂੰ,
ਹੱਸ-ਹੱਸ ਜਰ ਜਾਵਾਂ |
ਤੇਰੇ ਪਿੱਛੇ ਦੁੱਖਭੰਜਨ,
ਨੂੰ ਮਨਜੂਰ ਤਬਾਹੀ ਏ |
ਸੱਚ ਆਖਾਂ ਜਿੰਦਗੀ ,
ਜਿਉਣੀ ਹੁਣ ਆਈ ਏ
