ਦੁੱਖਭੰਜਨ ਰੰਧਾਵਾ
0351920036369
ਅੱਜ ਕੁਝ ਟੁੱਟ ਗਿਐ,
ਤਰੇੜ ਪਈ ਏ,
ਜਰੂਰੀ ਹਿੱਸਾ ਰੂਹ ਤੋਂ,
ਵੱਖ ਹੋਇਐ |
ਹੁਣ ਹੋਰ ਪਤਾ ਨਈਂ ਕੀ-ਕੀ,
ਗਵਾਉਣਾ ਪਵੇਗਾ |
ਅਸਲ ਵਿੱਚ ਮੈਂ ਕੱਚ ਸੀ,
ਉਸ ਨੇ ਮੈਨੂੰ ਵਰਤਣਾ ਸੀ,
ਵਰਤ ਕੇ ਤੋੜਨਾ ਸੀ,
ਤੋੜ ਦਿੱਤੈ ਕਹਾਣੀ ਖਤਮ |
ਕਈਆਂ ਦਿਨਾਂ ਤੋਂ ਮਹਿਸੂਸ,
ਹੋ ਰਿਹਾ ਸੀ ਮੈਨੂੰ,
ਬਹਾਨੇ ਬਣਾਏ ਜਾ ਰਹੇ ਨੇ,
ਮੇਂ ਕਿਹਾ ਵੀ ਸੀ ਤੂੰ ਏ ਸਭ ਕਰੇਂਗੀ,
ਉਸ ਨੇ ਕਰਕੇ ਵਿਖਾ ਦਿੱਤਾ |
ਜਦੋ ਕਿਸੇ ਨੂੰ ਪਸੰਦ ਕਰ ਲਈਏ,
ਪਰ ਉਸ ਦੀ ਪਸੰਦ ਬਣ ਨਾ ਸਕੀਏ,
ਤਾਂ ਇਵੇਂ ਈ ਹੁੰਦੈ,
ਦਰਦਨਾਕ ਮੁਹੱਬਤ ਦਾ ਅੰਤ |
ਅੱਜ ਉਸ ਨੇ ਆਪਣੇ ਮੋਢਿਆਂ,
ਤੋਂ ਮੇਰਾ ਭਾਰ ਬਣਿਆ ਹੋਇਆ ਸੀ,
ਲਾਹ ਸੁੱਟਿਐ |
ਹੁਣ ਮੇਰੇ ਕੋਲ ਸਿਰਫ ਉਸਦੇ,
ਪਰਤ ਆਉਣ ਦੀ ਉਡੀਕ ਬਚੀ ਏ |
