ਰਜਨੀ ਵਾਲੀਆ
ਬੜਾ ਵੱਡਾ ਹੁੰਦਾ ਏ ,
ਦਿਲ ਕਰਤਾਰ ਦਾ |
ਪਰ ਬੰਦਾ ਕਦੇ ਵੀ ਮੰਗਣ,
ਲੱਗਿਆਂ ਭੋਰਾ ਨਾ ਵਿਚਾਰਦਾ |
ਬੜਾ ਵੱਡਾ ਹੁੰਦਾ ਏ ,
ਦਿਲ ਕਰਤਾਰ ਦਾ |
ਉਸਦੇ ਘਰ ਵਿੱਚ ਘਾਟਾ ਨਈਂ,
ਤੇ ਬੰਦੇ ਦੇ ਕੋਲ ਬਾਟਾ ਨਈਂ,
ਮੱਟੀ ਦੇ ਵਿੱਚ ਵੀ ਆਟਾ ਨਈ,
ਬੰਦੇ ਦੀ ਮਜਬੂਰੀ ਤੱਕ ਕੇ,
ਬੰਦੇ ਦਾ ਹੈ ਸਾਰਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
ਕੁਦਰਤ ਆਪਣੀ ਖੇਡ ਖਿਡਾਵੇ,
ਬੰਦਾ ਜਿੱਧਰ ਨੂੰ ਵੀ ਜਾਵੇ,
ਮਾਲਕ ਸਾਰੀ ਵਿਉਂਤ ਬਣਾਵੇ,
ਤਪਦਾ ਸੀਨਾ ਬੰਦੇ ਦਾ ,
ਓ ਆਪੇ ਹੀ ਠਾਰਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
ਜਦ ਬੰਦਾ ਮਨ-ਮਾਨੀ ਕਰਦਾ,
ਫਿਰ ਮੋਟੇ ਹਰਜਾਨੇ ਭਰਦਾ,
ਜਦੋ ਓ ਰੱਬ ਤੋਂ ਵੀ ਨਹੀ ਡਰਦਾ,
ਤਦ ਰਹਿੰਦਾ ਨਹੀਂ ,
ਆਰਦਾ ਨਾ ਪਾਰਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
ਕੁਝ ਮਿਲ ਜਾਵੇ ਕਰੇ ਮੇਰੀ-ਮੇਰੀ,
ਭੋਰਾ ਵੀ ਨਹੀਂ ਲਾਉਦਾ ਦੇਰੀ,
ਬੰਦਾ ਕਰਨ ਲੱਗਿਆਂ ਹੇਰਾ-ਫੇਰੀ,
ਕਰਕੇ ਸਦਾ ਹੀ ਬੁਰਾ,
ਤੇ ਮਗਰੋਂ ਵਿਚਾਰਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
ਜਦ ਵੱਸ ਲਾਲਚ ਦੇ ਪੈ ਜਾਂਦਾ ਏ,
ਆਪਣਿਆਂ ਨਾਲ ਖਹਿ ਜਾਂਦਾ ਏ,
ਤੇ ਤਾਂ ਹੀ ਇਕੱਲਾ ਰਹਿ ਜਾਂਦਾ ਏ,
ਵਰੂੰਦਲ ਦੇਵੇ ਪੱਤੀ-ਪੱਤੀ,
ਖੈਰਖਾਹ ਏ ਖਾਰ ਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
ਕੁਦਰਤ ਨੂੰ ਵੱਸ ਕਰਨਾ ਲੋਚੇ,
ਜਦ ਵੀ ਸੋਚੇ ਪੁੱਠਾ ਈ ਸੋਚੇ,
ਉਡਦੇ ਕਾਗ ਹਵਾ ਚੋਂ ਬੋਚੇ,
ਜਦੋਂ ਵੀ ਮਨ ਆਈਆਂ,
ਕਰਦਾ ਤਦੋਂ ਹਾਰਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
ਜੋ ਮਨ ਮੰਦਰ ਵਿੱਚ ਵਸਾਉਂਦੇ,
ਮੰਜਿਲਾਂ ਉਹੀ ਅਖੀਰ ਨੇ ਪਾਉਂਦੇ,
ਆਪਣਾ ਜੱਗ ਤੇ ਨਾ ਚਮਕਾਉਂਦੇ,
ਰਜਨੀ ਭਾਣਾਂ ਜੋ ਵੀ ਮੰਨਦਾ ,
ਤਰ ਜਾਂਦਾ ਉਸ ਦਰਬਾਰ ਦਾ |
ਬੜਾ ਵੱਡਾ ਹੁੰਦਾ ਏ,
ਦਿਲ ਕਰਤਾਰ ਦਾ |
