ਰਜਨੀ ਵਾਲੀਆ
⭐ ਰੱਬ ਦੇ ਘਰ ਚੋਂ ਬੰਦਾ ਖਾਲੀ ਮੁੜਦਾ ਨਈਂ |
ਓ ਥੋੜਾ ਵੀ ਦਏ ਫਿਰ ਵੀ ਕਦੇ ਓ ਥੁੜਦਾ ਨਈਂ |
ਕਰ-ਕਰ ਹੇਰਾ-ਫੇਰੀਆਂ ਕਦੇ ਵੀ ਜੁੜਦਾ ਨਈਂ |
ਰਜਨੀ
ਰਸਤੇ ਪੁੱਠੇ ਗਿਆ ਬੰਦਾ ਕਦੇ ਮੁੜਦਾ ਨਈਂ |
⭐ ਲੋੜ ਪੈਣ ਤੇ ਸਾਰੇ ਈ ਪਾਸਾ ਵੱਟ ਜਾਂਦੇ |
ਦਿਲ ਦੇ ਕੌੜੇ ਮਿੱਠੇ ਹੋ-ਹੋ ਚੱਟ ਜਾਂਦੇ |
ਚੰਗੇ ਬੰਦੇ ਨੂੰ ਵੀ ਛੱਜ ਚ ਛੱਟ ਜਾਂਦੇ |
ਰਜਨੀ
ਟੰਗੇ ਕੱਪੜੇ ਇੱਕ ਥਾਂ ਤੇ ਵੀ ਫੱਟ ਜਾਂਦੇ |
⭐ ਜਿਸ ਟਾਹਣੇਂ ਤੇ ਬਹੀਏ ਉਸਨੂੰ ਵੱਡੀਏ ਨਾ |
ਜਿਸ ਦੀ ਬਾਂਹ ਫੜ ਲਈਏ ਉਸਨੂੰ ਛੱਡੀਏ ਨਾ |
ਆਪਣਿਆਂ ਦੇ ਰਾਹੀਂ ਕਿੱਲੇ ਗੱਡੀਏ ਨਾ |
ਰਜਨੀ,
ਔਕਾਤੋਂ ਵੱਧ ਕੇ ਮੂੰਹ ਕਦੇ ਵੀ ਟੱਡੀਏ ਨਾ |
⭐ ਸਦਾ ਜਿੱਤਣ ਦੇ ਲਈ ਹਰਨਾ ਬਹੁਤ ਜਰੂਰੀ ਏ |
ਸੁੱਖ ਭੋਗਣ ਲਈ ਦੁੱਖ ਜਰਨਾ ਬਹੁਤ ਜਰੂਰੀ ਏ|
ਸ਼ਰਧਾ ਲਈ ਅਰਪਣ ਕਰਨਾ ਬਹੁਤ ਜਰੂਰੀ ਏ |
ਰਜਨੀ,
ਖਾਲੀ ਕਰਨ ਲਈ ਭਾਡਾਂ ਭਰਨਾ ਬਹੁਤ ਜਰੂਰੀ ਏ|
⭐ ਹਨੇਰਿਆ ਤੂੰ ਕਿਹੜੀ ਗੱਲੋਂ ਉਹਲੇ-ਛਿੱਪੇ ਰੱਖਦਾ|
ਤੇਰਿਆਂ ਛਲਾਵਿਆਂ ਦਾ ਮੁੱਲ ਨਈਓਂ ਕੱਖ ਦਾ|
ਚੰਗਾ ਸੂਰਜ ਤੇਰੇ ਤੋਂ ਹੈ ਚਾਨਣ ਉਹਦਾ ਲੱਖ ਦਾ|
ਰਜਨੀ,
ਰਹਿੰਦਾ ਨਈਂ ਕਦੇ ਭੇਦ-ਭੇਦ ਖੁੱਲੇ ਹਰ ਅੱਖ ਦਾ |
