ਦੁੱਖਭੰਜਨ ਰੰਧਾਵਾ
0351920036369
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਮੈਥੋਂ ਏਸੇ ਲਈ ਰੁੱਸ,
ਗਈ ਖੁਦਾਈ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਸੇਕ ਏਨਾਂ ਆਵੇ ਤੇਰੇ,
ਗਮ ਦੇ ਤੰਦੂਰ ਦਾ |
ਹਾਲ ਬੜਾ ਮਾੜਾ ਮੇਰੇ,
ਜਖਮੋਂ ਹੋਏ ਨਾਸੂਰ ਦਾ |
ਅੱਗ ਮੱਚ ਗਈ ਚੁਫੇਰੇ,
ਹੋਈ ਤਬਾਹੀ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਏ ਜਾਣਦਾ ਜਹਾਨ,
ਮੇਰੇ ਜਿਗਰ ਦੇ ਫੋੜਿਆ |
ਉਹਨੇਂ ਲੈ ਕੇ ਕਲਾਵੇ ਵਿੱਚ,
ਕਿਉਂ ਤੈਨੂੰ ਵਿਛੋੜਿਆ |
ਤੇਰੀ ਉਹਨੇ ਕਿੱਥੇ ਰੂਹ,
ਹੰਢਾਈ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਮੈਂ ਟੀਸੋ-ਟੀਸੀ ਹੋਵਾਂ,
ਤੇ ਰਵਾਂ ਅਵਾਜ਼ਾਰ ਨੀ |
ਪੀੜਾਂ ਰੋਜ਼ ਪੀਵਾਂ ਤੇ ਮੈਂ,
ਗਮ ਦਾ ਬੀਮਾਰ ਨੀ |
ਜੋ ਮੈਨੂੰ ਮੇਰੇ ਦੁੱਖ ਦੀ,
ਦਵਾਈ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਹੁਕਮ ਉਹਦੇ ਬਿਨਾਂ ਮੇਰਾ,
ਪੱਤਾ ਵੀ ਨਹੀਂ ਝੁੱਲਦਾ |
ਬੜਾ ਮੈਂ ਭੁਲਾਵਾਂ ਮੈਨੂੰ,
ਚੇਤਾ ਕਿਉਂ ਨਹੀਂ ਭੁੱਲਦਾ |
ਕੋਈ ਜਾਲਮਾ ਤੂੰ ਗੱਲ ਤਾਂ,
ਛੁਪਾਈ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਮੈਨੂੰ ਆਪਣੇਂ ਚੋਂ ਵੀ,
ਮੇਰਾ ਕੁਝ ਯਾਦ ਰਿਹਾ ਨਾ |
ਭਾਲਿਆ ਮੈਂ ਬੜਾ ਪਰ,
ਕੋਈ ਉਹਦੇ ਜਿਹਾ ਨਾ |
ਹੋਵੇ ਕੋਈ ਵੀ ਸੈ਼ਅ ਕਿਉਂ,
ਪਰਾਈ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
ਦੁੱਖਭਜਨ ਨੇਂ ਜਨਮਾਂ ਤੋਂ,
ਨਈ ਸਾਥ ਤੇਰਾ ਛੱਡਿਆ |
ਵੇਖੀਂ ਹੁਣ ਵੀ ਨਹੀਂ ਛੱਡਣਾਂ,
ਨੀ ਜਾਵੇ ਭਾਵੇਂ ਵੱਢਿਆ |
ਹੁਣ ਧੌਣ ਵਿੱਚ ਵੇਲਣੇਂ,
ਫਸਾਈ ਲਗਦੀ |
ਮੇਰੇ ਕੋਲੋਂ ਹੋਈ ਕੋਈ,
ਕੁਤਾਈ ਲਗਦੀ |
