ਦੁੱਖਭੰਜਨ ਸਿੰਘ ਰੰਧਾਵਾ
0351920036369
ਕੱਚੀ ਨੀਂਦੇ ਜਾਗ ਪਿਆ,
ਮੇਰੇ ਦੁੱਖ ਦਾ ਪਹਿਰੇਦਾਰ |
ਕਣੀਆਂ ਪਈਆਂ ਤੇ ਢਹਿ ,
ਗਿਆ ਮੇਰਾ ਕੱਚਾ ਸੀ ਘਰ-ਬਾਹਰ |
ਰੱਖੀਆਂ ਸਨ ਮੈਂ ਕਾਨੀਆਂ,
ਕਿ ਮੈ ਛੱਤ ਤੇ ਪਾਵਾਂਗਾ |
ਮਹਿਫੂਜ਼ ਰਹੇਗਾ ਥੋੜਾ,
ਮੈਂ ਜਦੋਂ ਕਿਤੇ ਵੀ ਜਾਵਾਂਗਾ |
ਹੁਣ ਤਾਂ ਸੁਪਨਾ ਵੀ ਆ ਜਾਵੇ,
ਤਾਂ ਦੇਂਦੈ ਮੈਨੂੰ ਠਾਰ |
ਕੱਚੀ ਨੀਂਦੇ ਜਾਗ ਪਿਆ
ਹੁਣ ਤਾਂ ਜਦ ਵੀ ਪੜਦਾਂ-ਸੁਣਦਾਂ,
ਹੰਝੂ ਨੈਣੀਂ ਜਾਂਦੇ ਆ |
ਮੇਰੇ ਜਖਮ ਦੇ ਕੀੜੇ ਦੱਸੋ,
ਮੈਨੂੰ ਕਿਉਂ ਨਈ ਜਾਂਦੇ ਖਾ |
ਬਿਨ ਮਲਾਹ ਦੇ ਮੇਰੀ ਕਿੱਦਾਂ,
ਪਾਰ ਲੱਗੂ ਪਤਵਾਰ |
ਕੱਚੀ ਨੀਂਦੇ ਜਾਗ ਪਿਆ
ਮੈਂ ਝੂਠ ਕਦੇ ਨਈਂ ਬੋਲਿਆ,
ਤੇ ਮਰਨਾ ਜੇ ਮਨਜੂਰ |
ਜਿਸ ਜੀਅ ਦੇ ਵਿੱਚ ਰੂਹ,
ਮੇਰੀ ਵੱਸੇ ਓ ਰਹਿੰਦਾ ਮੈਥੋ ਦੂਰ |
ਓ ਢਿੱਲਾ-ਮੱਠਾ ਵੀ ਹੋ ਜਾਵੇ,
ਉਹਦੀ ਭਲੀ ਕਰੇ ਕਰਤਾਰ |
ਕੱਚੀ ਨੀਦੇ ਜਾਗ ਪਿਆ
ਓ ਹੱਸਦੀ ਤੇ ਮੈਂ ਵੀ ਹੱਸਦਾ,
ਓ ਰੋਵੇ ਤੇ ਪਵਾਂ ਮੈਂ ਰੋ |
ਉਹਦੀ ਰਗ-ਰਗ ਵਿੱਚ ਮੈ ਧੜਕਦਾ,
ਪੈ ਗਿਆ ਜੀਹਦੇ ਨਾਲ ਮੋਹ |
ਓਦੇ ਕਹਿਣ ਤੇ ਜਿੱਤਦਾ ਤੇ ਓਦੇ
ਕਹਿਣ ਤੇ ਜਾਵਾਂ ਹਾਰ |
ਕੱਚੀ ਨੀਦੇ ਜਾਗ ਪਿਆ
ਏ ਕੈਸੀ ਘੜੀ ਇਮਤਿਹਾਨ ਦੀ,
ਮੈਂ ਕਰ ਨਈਂ ਸਕਦਾ ਕੁਝ |
ਜਗ ਵੀ ਰਿਹਾ ਏਂ ਕਿੱਥੇ ਦੁੱਖਭੰਜਨਾਂ,
ਤੇ ਸਕਦਾ ਵੀ ਨਈਂ ਬੁਝ |
ਆਪਣੀਂ ਮਹਿਰਮ ਦੇ ਲਈ ਫੁੱਲ ਹਾਂ,
ਤੇ ਲੋਕਾਂ ਦੇ ਲਈ ਖਾਰ |
ਕਂਚੀ ਨੀਂਦੇ ਜਾਗ ਪਿਆ
