ਰਜਨੀ ਵਾਲੀਆ, ਕਪੂਰਥਲਾ
ਚੰਨ ‘ਚ ਵੀ ਦਾਗ ਕਹਿੰਦੇ,
ਓਹ ਵੀ ਨਈਂ ਸੋਹਣਾ |
ਜੇ ਗੱਲ ਕਰਾਂ ਸੋਹਣਿਆਂ ਦੀ,
ਤੇਰੇ ਜਿਹਾ ਨਈਂ ਕੋਈ ਹੋਣਾ |
ਬੋਲ ਮਿਸ਼ਰੀ ਜਏ ਕੰਨਾਂ ਵਿੱਚ,
ਘੋਲ ਚੰਨ ਵੇ |
ਦੋ ਘੜੀਆਂ ਬਹਿ ਮੇਰੇ ਨਾਲ,
ਬੋਲ ਚੰਨ ਵੇ |
ਤੇਰੇ ਕਰਾਂ ਮੈਂ ਦੀਦਾਰ ਉੱਠ,
ਤੜਕੇ ਸਵੇਰੇ |
ਫਿਰ ਕੰਨੀਂ ਕਾਂ-ਕਾਂ ਪੈਂਦੀ,
ਕਾਗ ਬੋਲਦਾ ਬਨੇਰੇ |
ਬਹੀਏ ਚਿੱਤ ਕਰੇ ਦੋਵੇਂ,
ਕੋਲ ਚੰਨ ਵੇ |
ਚੰਨ ਚ ਵੀ ਦਾਗ
ਤੈਨੂੰ ਹਰ ਵੇਲੇ ਨੇੜੇ-ਨੇੜੇ
ਮਹਿਸੂਸ ਕਰੀ ਜਾਵਾਂ |
ਵੇ ਤੇਰਾ ਚੇਤਾ ਜਦੋਂ ਆਵੇ,
ਠੰਡਾ ਹੌਕਾ ਭਰੀ ਜਾਵਾਂ |
ਤੇਰੇ ਨਾਲੋਂ ਦੱਸ ਕੀਏ,
ਅਨਮੋਲ ਚੰਨ ਵੇ |
ਚੰਨ ਚ ਵੀ ਦਾਗ
ਤੇਰੇ ਨਾਲ ਅੰਬਰਾਂ ਤੇ ਘਰ ,
ਪਾਉਣ ਨੂੰ ਫਿਰਾਂ |
ਤੇਰੇ ਸਾਰੇ ਦੁੱਖ ਚੰਨਾਂ ਮੈਂ,
ਵੰਡਾਉਣ ਨੂੰ ਫਿਰਾਂ |
ਹਾਮੀ ਭਰ ਗੱਲ ਕਰ ਨਾ,
ਤੂੰ ਗੋਲ ਚੰਨ ਵੇ |
ਚੰਨ ਚ ਵੀ ਦਾਗ
ਤੇਰਾ ਦੁੱਖ ਜਿਹੜਾ ਹੋਵੇ ਦੁੱਖ,
ਵਿੱਚ ਮੈਂ ਸ਼ਰੀਕ |
ਚੇਤੇ ਰੱਖਣੀ ਏ ਤੇਰੇ ਆਉਣ,
ਜਾਣ ਦੀ ਤਰੀਕ |
ਵੇ ਤੋਲਣੈਂ ਤਾਂ ਪੂਰਾ-ਪੂਰਾ,
ਤੋਲ ਚੰਨ ਵੇ |
ਚੰਨ ਚ ਵੀ ਦਾਗ
ਰਜਨੀ ਇੱਕ ਵਾਰ ਆਖੇ ਤੇ,
ਤੂੰ ਮੰਨ ਲਵੇਂ ਸਾਰੀ,
ਤੈਨੂੰ ਕਿੰਨਾਂ ਮੇਰਾ ਤੇਹ ਏ,
ਜਾਨ ਤੈਥੋਂ ਵਾਰੀ |
ਕੁੰਡੀ ਦਿਲ ਦੀ ਤੂੰ ਅੱਜ,
ਫੇਰ ਖੋਲ ਚੰਨ ਵੇ |
ਚੰਨ ਚ ਵੀ ਦਾਗ
