ਹੱਥ ਪੈਰੀਂ ਲਾਉਂਦੇ ਵੇਖੇ ਕਈ,
ਕਈ ਪਿੱਛੇ ਪਿੱਛੇ ਫਿਰਦੇ ਸੀ।
ਚੌਧਰ ਕਈਆਂ ਦੀ ਵੀ ਘੋਲ਼ ਗਿਆ,
ਖੜ੍ਹੇ ਹੱਥ ਮਿਲਾਉਣ ਨੂੰ ਚਿਰਦੇ ਸੀ।
ਦੋ ਮਿੰਟਾਂ ਵਿੱਚ ਹੀ ਖਿੱਲਰ ਗਈ,
ਸੀ ਖਿੱਦੋ ਪਾਟੀਆਂ ਲੀਰਾਂ ਦੀ।
ਸਭ ਖੇਲ ਮੁਕੱਦਰਾਂ ਦੇ ‘ਭਗਤਾ’,
ਗੱਲ ਸੱਚੀ ਹੈ ਤਕਦੀਰਾਂ ਦੀ।
ਫਿਰਨ ਬਣਾਉਂਦੇ ਫੋਕੀਆਂ ਟੌਹਰਾਂ ਜੋ,
ਲੋਕਾਂ ਵਿੱਚ ਨਾਉਂ ਨੇਤਾਵਾਂ ਦੇ।
ਦੱਸ ਕਿਹੜਾ ਲੱਗਦਾ ਆਖੇ,
ਇੰਨ੍ਹਾਂ ਚੰਦ ਕੁ ਢੋਡਰ ਕਾਵਾਂ ਦੇ।
ਗੱਲ ਕਰੀਏ ਕੀ ਬੇਸ਼ਰਮਾਂ ਦੀ,
ਚੱਟ ਲਾਲ਼ਾਂ ਡੰਗ ਟਪਾ ਲੈਂਦੇ।
ਕਰ ਚਮਚਾਗਿਰੀ ਇਹ ਹੋਰਾਂ ਦੀ,
ਹੈ ਆਪਣਾ ਆਪ ਗੁਆ ਲੈਂਦੇ।
………..
ਸੁਖਮੰਦਰ ਸਿੰਘ ਬਰਾੜ ‘ਭਗਤਾ ਭਾਈ ਕਾ’
+1-604-751-1113
