ਰਜਨੀ ਵਾਲੀਆ, ਕਪੂਰਥਲਾ
ਮੈਂ ਅੱਜ,
ਤਸਦੀਕ ਕਰਦੀ ਹਾਂ |
ਕਿ ਮੈਂ ਇਨਸਾਫ,
ਮੰਗਣਾ ਏ |
ਉਹਨਾਂ ਦੇ ਹੱਕਾਂ ਦਾ,
ਜਿੰਨਾਂ ਦਾ ਹੱਕ,
ਮਾਰਿਆ ਜਾਂਦੈ |
ਕਿਸੇ ਚੌਧਰੀ ਵੱਲੋਂ,
ਕਿਸੇ ਮਜ਼ਲੂਮ ਦੇ,
ਹੱਡ ਤੇ ਮਹਿਲ,
ਉਸਾਰਿਆ ਜਾਂਦੈ |
ਗਰੀਬਾਂ ਦੇ ਹੱਥੀਂ,
ਠੂਠੇ ਨੇਂ ਉਹਨਾਂ ਦੇ,
ਪੇਟ ਖਾਲੀ ਨੇਂ,
ਇਹਨਾਂ ਦੇ ਨਾਲ ਕੀ,
ਕਰਿਐ ਇਸ ਕੁਦਰਤ,
ਦੇ ਵਾਲੀ ਨੇਂ |
ਕਿ ਮੈਂ ਇਨਸਾਫ,
ਮੰਗਣਾ ਏ |
ਉਹਨਾਂ ਮਾਸੂਮ ਜਿੰਦਾਂ ਦਾ,
ਜੋ ਠੰਢ ਵਿੱਚ ਮਜਦੂਰੀ,
ਕਰਦੀਆਂ ਨੇ |
ਜੋ ਸੜਕਾਂ ਤੇ,
ਰੋੜੀ ਕੁੱਟਦੀਆਂ ਨੇਂ |
ਜੇਠ-ਹਾੜ ਦੀਆਂ,
ਧੁੱਪਾਂ ਜਰਦੀਆ ਨੇਂ |
ਇੱਕ ਇਹਨਾ ਦਾ ਹੱਕ,
ਚਾਹੁੰਦੀ ਹਾਂ |
ਨਾ ਰੋੜੀ ਕੁੱਟਣ,
ਜਾਵਣ ਬੱਚੇ |
ਘਰੇ ਹੀ ਪੇਟ ਭਰ,
ਖਾਵਣ ਬੱਚੇ |
ਮਜਦੂਰ-ਮਜਦੂਰੀ,
ਪੂਰੀ ਖੱਟੇ |
ਰਜਨੀ,
ਚੌਧਰੀ ਕੋਈ ਨਾ,
ਘੂਰੀ ਵੱਟੇ |
