ਗ੍ਰਹਿਆਂ ਦਾ ਕੀ ਏ
ਏ ਤਾਂ
ਲੱਗਦੇ ਰਹਿਣਗੇ
ਕਦੇ ਸਾਲ ਬਾਅਦ
ਕਦੇ 100 ਸਾਲ ਬਾਅਦ
ਤੇ ਕਦੇ 500 ਸਾਲ ਬਾਅਦ ਵੀ
ਪਰ ਨਹੀਂ ਲੱਗਣਾ ਚਾਹੀਦਾ
ਮੇਰੇ ਦੋਸਤੋਂ
ਮਾਨਸ ਦੀ ਜਾਤ ਨੂੰ ਗ੍ਰਹਿਣ
ਕਦੇ ਵੀ
ਹਾਂ!
ਇਤਿਹਾਸ ਗਵਾਹ ਹੈ
ਮੇਰੇ ਦੋਸਤੋ
ਕਿ ਜਦੋਂ ਕਦੇ ਵੀ
ਮਨੁੱਖਤਾ ਦੀ ਸੋਚ ਨੂੰ
ਲੱਗਦਾ ਹੈ
ਸੂਰਜ ਗ੍ਰਹਿਣ
ਜਾਂ ਲੱਗ ਹੀ ਜਾਵੇ
ਚੰਦ ਗ੍ਰਹਿਣ
ਤਾਂ ਕਰਾਚੀ ਵੀ
ਬਣ ਜਾਂਦੀ ਹੈ
ਨਾਗਾਸਾਕੀ
ਤੇ ਲਾਦਾਖ ਵਿੱਚ ਵੀ
ਛਾ ਜਾਂਦਾ ਹੈ
ਹੀਰੋਸ਼ੀਮਾ ਜਿਹਾ ਹਨੇਰਾ
ਤੇ ਇਹੋ ਜਿਹੇ ਹੀ
ਗ੍ਰਹਿ ਚਾਲ ਵਿੱਚ
ਜਨਮ ਲੈ ਲੈਂਦੇ ਨੇ
ਸੈਂਕੜੇ ਹੀ
ਹਿਟਲਰ
ਤੇ ਔਰੰਗਜ਼ੇਬ ਜਿਹੇ
ਅੱਤਿਆਚਾਰੀ —-
ਪਰ ਕੁੱਝ ਵੀ ਹੋਵੇ ਦੋਸਤੋ
ਮਾਨਸ ਦੀ ਜਾਤ ਨੂੰ
ਕਦੇ ਵੀ ਗ੍ਰਹਿਣ ਨਾ ਲੱਗੇ
ਕਦੇ ਵੀ ਗ੍ਰਹਿਣ
ਨਾ ਲੱਗੇ ਮੇਰੇ ਮੌਲਾ
ਸ਼ਾਇਰ
ਗੁਰਭਜਨ ਸਿੰਘ ਲਾਸਾਨੀ
ਜ਼ਿਲਾ ਸਿੱਖਿਆ ਅਫਸਰ
ਕਪੂਰਥਲਾ
