‘ਅਮਨਦੀਪ ਮਾਛੀਕੇ’
- ਅੱਕੀ ਜਨਤਾ, ਜਦ ਵੀ ਬੋਲੇ, ਤੋੜ ਦਿੰਦੀ ਸਭ ਤਾਲ਼ੇ ਬੲੀ,
ਚਹੁੰਂ ਤਰਫਾਂ ਤੋਂ ਹੱਲਾ ਵਿੱਢਿਅਾ,ਲੋਕੀਂ ਖੜ੍ਹੇ ਵਿਚਾਲ਼ੇ ਬੲੀ ।
ਹੋ ਕਰਨੇ ਦੁਸ਼ਮਣ ਦੇ ਹੱਡ ਪੋਲੇ
ਜੀਹਨੇ ਲੋਕ ਲੁੱਟਣ ਨੂੰ ਟੋਲੇ
ਵਿੱਢੇ ‘ਟੈਕ ਕਰੋਨਾ ੳੁਹਲੇ
ਨੀ ਬੰਬੀਹਾ ਬੋਲੇ….!
ਲੋਕਾਂ ਦਾ ਬੰਬੀਹਾ ਬੋਲੇ………! - ਹੋ ਪੈ ਗੲੇ MSP ‘ਤੇ ਡਾਕੇ
ਕਿਰਤੀ ਪਹਿਲਾਂ ੲੀ ਕੱਟਦੇ ਫਾਕੇ
ਹੱਕ ਤਾਂ ਲੈਣੇ ਠੋਕ ਵਜਾ ਕੇ
ਨਿੱਤ ਪ੍ਰਧਾਨ ਸਟੇਜੋਂ ਬੋਲੇ
ਨੀ ਬੰਬੀਹਾ ਬੋਲੇ …………..! - ਰੇਲਾਂ – ਬੀਮੇ, ਬੈਕਾਂ – ਅੱਡੇ, ਮੁਲਕ ਹੀ ਗਹਿਣੇ ਧਰ ਛੱਡਿਅਾ,
- ਕਿਰਤ ਕਾਨੂੰਨਾਂ, ਦੇ ਵਿੱਚ ਸੋਧਾਂ,ਕਿਰਤੀ ਖੁੰਘਲ ਕਰ ਛੱਡਿਅਾ ।
ਅਖੇ ‘ੲਿੱਕ ਦੇਸ਼ ਅਤੇ ੲਿੱਕ ਮੰਡੀ’
ਕਰਕੇ ਕੌਮੀਂ ਜਿਣਸ ਦੀ ਭੰਡੀ
ਸਾਰਾ ਜਗਤ ਬਣਾੳੁਣਾ ਮੰਡੀ
ਅੱਗ ਨਹੀਂ ਹੋਣੀ ਰੋਹ ਦੀ ਠੰਡੀ
ਨੀ ਬੰਬੀਹਾ ਬੋਲੇ ………………! - ਖੇਤੀਂ ਨਿੱਤ ਖੁਦਕੁਸ਼ੀਅਾਂ ,ਚਰਚਾ,ਬੰਬੇ ਅਾਲ਼ੇ ਅੈਕਟਰ ਦਾ,
ਮੋਗੇ ਮੰਡੀਓਂ ਰੇਟ ਲਵਾੳੁਂਦਾ,ਕਾਮਾ ਫੋਰਡ ਟਰੈਕਟਰ ਦਾ ।
ਹੋ ਚੜ੍ਹਗੀ ਕਰਜ਼ੇ ਦੀ ਪੰਡ ਭਾਰੀ
ਲਿਮਟ ਦੀ ਟੁੱਟੇ ਕਿਸ਼ਤ ਹਰ ਵਾਰੀ
ਰਹਿਗੀ ‘ਗੀਤਾਂ ਵਿੱਚ ਸਰਦਾਰੀ’
ਚੱਕਤੇ ਸਮੇਂ ਨੇ ਪਰਦੇ ੳੁਹਲੇ
ਨੀ ਬੰਬੀਹਾ ਬੋਲੇ……………..! - ਅਾੳੁਂਦੇ ਨੇ, ਸਰਕਾਰੀ ਨੋਟਿਸ, ਕੁਰਕੀ ਹੋਣੀ ਪੈਲ਼ੀ ਦੀ,
ਬੀ.ਕੇ.ਯੂ. ਵਿੱਚ ਭਰਤੀ ਗੱਭਰੂ,ਕਰੇ ਤਿਅਾਰੀ ਰੈਲੀ ਦੀ ।
ਹੋ ਕਰਾੳੁਣੀ ਅਾੜ੍ਹਤੀੲੇ ਦੀ ਘੀਸੀ
ਨੲੀਂ ਲਾੳੁਣੀ ਮੂੰਹ ਸਪਰੇਅ ਦੀ ਸੀਸੀ
ਭਾਵੇਂ ਬੋਲੀ ਬੋਲਣ ੳੁਹਦੀ
SHO-SSP-DC
ਨੀਂ ਬੰਬੀਹਾ ਬੋਲੇ …………! - ਹੋ ਫਿਰਦੀ ਕਿਰਤ,ਕਮਾੲੀਅਾਂ ਕਰਦੀ
ਚਾਹੇ ਗਰਮੀ, ਚਾਹੇ ਸਰਦੀ
ਦੇਹਲ਼ੀ ਨਾ ਖੁਸ਼ਹਾਲੀ ਚੜ੍ਹਦੀ
ਖਾਲੀ ਖੀਸੇ ਅਤੇ ਭੜੋਲੇ
ਨੀਂ ਬੰਬੀਹਾ ਬੋਲੇ ……………! - ਕੋਠੇ ਚੜ੍ਹਕੇ ‘ਵਾਜਾਂ ਮਾਰੋਂ, ਕਾਰਪੋਰੇਟੋ ਲੁੱਟ ਲਵੋ,
ਸਭ ਸੇਵਾ ਵਿੱਚ ਹਾਜ਼ਰ ਥੋਡੇ, ਜੋ ਜੀਅ ਕਰਦੈ ਮੁੱਛ ਲਵੋ ।
ਹੋ ਸੱਭੇ ਜੰਗਲ਼, ਜਲ, ਜ਼ਮੀਨਾਂ
ਸਾਡਾ ਟੋਟਲ਼ ਖੂਨ – ਪਸੀਨਾ
ਲੋਟੂ ਹਾਕਮ -ਜੁੱਟ ਕਮੀਨਾ
ਅੈਵੇਂ ਵਿੱਚ ਡਵੱਕ ਰਹੀਂ ਨਾ
ਨੀ ਬੰਬੀਹਾ ਬੋਲੇ …………! - ੲਿਹ ਜਿਹੜੇ ਵੋਟਾਂ ਵਾਲ਼ੇ ਡੱਬੇ
ੲੇਥੋਂ ਮੁਕਤੀ ਕਿੱਥੋਂ ਲੱਭੇ
ਰੰਗ – ਬਰੰਗੇ, ਸੱਜੇ -ਖੱਬੇ,
ਸਾਰੇ ਦੱਲੇ, ਰੱਜਕੇ ਕੱਬੇ
ਨੀ ਬੰਬੀਹਾ ਬੋਲੇ ………….! - ਖੇਤ ‘ਚ ਜੀਹਦਾ, ਮੁੜ੍ਹਕਾ ਡੁੱਲ੍ਹਦਾ,ਪੈਲ਼ੀ ਹੋਵੇ ਓਸੇ ਦੀ,
ਸਿਰ ‘ਤੇ ਕੱਫ਼ਣ ,ਬੰਨ੍ਹਲੋ ਮਿੱਤਰੋ, ਗੱਲ ਨੀ ਸੋਸੇ – ਮੋਸੇ ਦੀ - ਹੋ ਪਾੳੁਣੀ ਜੱਟ ਤੇ ਸੀਰੀ ਜੋਟੀ
ਰਲ਼ਣੀ ਅੌਰਤ – ਤਾਕਤ ਮੋਟੀ
ਚੱਕਣਾ ਦਾਬਾ, ਚੌਧਰ ਫੋਕੀ
ਸਭ ਨੂੰ ਕੰਮ ਤੇ ਰੱਜਵੀਂ ਰੋਟੀ
ਨੀਂ ਬੰਬੀਹਾ ਬੋਲੇ ………..!
-ਵਿਹਲੜਾਂ ਲੲੀ ਖਜ਼ਾਨੇ ਖੋਲ੍ਹੇ
ਕੰਮੀਂ – ਕਿਰਤੀ ਮਿਥਕੇ ਰੋਲੇ
W.T.O. ਦੇ ਤੁਸੀਂ ਗੋਲੇ,
ਚਾਰਨੇ ਸਾਮਰਾਜ ਨੂੰ ਛੋਲੇ
ਨੀ ਬੰਬੀਹਾ ਬੋਲੇ……. !
ਬੋਲੇ ਨੀ ਬੰਬੀਹਾ ਬੋਲੇ
ਲੋਕਾਂ ਦਾ ਬੰਬੀਹਾ ਬੋਲੇ….!
