ਅਮਰਜੀਤ ਸਿੰਘ ਫੌਜੀ
ਤੋਬਾ ਗਰਮੀਂ, ਹਾਏ ਗਰਮੀਂ,
ਤਾਪਮਾਨ ਪੰਜਾਹ ਤੋਂ ਟੱਪਿਆ;
ਅੰਬਰੋਂ ਅੱਗ ਵਰਸਾਏ ਗਰਮੀਂ ।
ਤੱਤੀ ਲੋਅ ਨੇ ਬੱਸ ਕਰਾਤੀ,
ਹੁਣ ਝੱਲੀ ਨਾ ਜਾਏ ਗਰਮੀਂ ।
ਪਾਣੀ ਪੀ ਪੀ ਢਿੱਡ ਆਫਰਗੇ,
ਭੁੱਖ ਨੂੰ ਦੂਰ ਭਜਾਏ ਗਰਮੀਂ ।
ਘਰ ਘਰ ਤੇਈਏ- ਤਾਪ ਪੁਹਾਰਾ,
ਡਾਕਟਰ ਵੱਲ ਭਜਾਏ ਗਰਮੀਂ ।
ਪਸ਼ੂ ਪੰਛੀ ਬੇ ਜੁਬਾਨੇ,
ਸਭ ‘ਤੇ ਕਹਿਰ ਕਮਾਏ ਗਰਮੀਂ ।
ਫ਼ਲ ਫੁੱਲ ਬੂਟੇ ਅਤੇ ਸਬਜ਼ੀਆਂ,
ਪਏ ਨੇ ਸਭ ਸੁਕਾਏ ਗਰਮੀਂ ।
ਮਿੱਤਰੋ ਆਪਾਂ ਹੱਲ ਕੋਈ ਲੱਭੋ ,
ਕਿਵੇਂ ਕਾਬੂ ਵਿੱਚ ਆਏ ਗਰਮੀਂ ।
ਫੌਜੀਆ ਜੇਕਰ ਰੁੱਖ ਲਾ ਲੈਂਦੇ,
ਫਿਰ ਕਿਉਂ ਇੰਝ ਸਤਾਏ ਗਰਮੀਂ ।
ਅਮਰਜੀਤ ਸਿੰਘ ਫੌਜੀ
ਪਿੰਡ ਦੀਨਾ ਸਾਹਿਬ
ਜਿਲ੍ਹਾ ਮੋਗਾ ਪੰਜਾਬ ।
94174’04804
