ਦੁੱਖਭੰਜਨ ਸਿੰਘ ਰੰਧਾਵਾ
0351920036369
ਹੋਇਆ ਅੱਲਾ ਮੇਰੇ,
ਉੱਤੇ ਮਿਹਰਬਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
ਤੇਰੇ ਵਿੱਚ ਮੇਰਾ ਮੋਹ,
ਮੇਰੇ ਵਿੱਚ ਤੇਰਾ ਮੋਹ।
ਓਦਾਂ ਆਪਾਂ ਇੱਕ ਪਰ,
ਤੱਕਣੇਂ ਨੂੰ ਦੋ ਵੇ,
ਤੂੰ ਮੇਰੇ ਲਈ ਮਦੀਨਾਂ,
ਤੇ ਕੁਰਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ ।
ਓਏ ਮਰਨਾ ਮੈਂ ਜਾਣਾਂ,
ਕਿਹਾ ਕਰਨਾ ਮੈਂ ਜਾਣਾਂ।
ਮੇਰਾ ਵਿਕਦਾ ਨਈਂ ਕਦੇ,
ਵੀ ਈਮਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
ਮੇਰਾ ਦਿਲ ਬੜਾ ਸਾਫ,
ਕਰ ਦੇਵੀਂ ਏਨੂੰ ਮੁਆਫ।
ਏਸ ਚੰਦਰੇ ਨੂੰ ਸਮਝੀਂ,
ਨਾਦਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
ਜਿੰਨੂ ਕਰ ਬੈਠਾਂ ਕੌਲ,
ਜਿੰਦ ਓਤੋਂ ਦਿਆਂ ਰੋਲ।
ਇੱਕ ਵਾਰੀ ਦੇ ਕੇ,
ਜ਼ੁਬਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
ਮੈਨੂੰ ਮੇਰੇ ਨਾ ਨੀ ਮੋਹ,
ਮੈਂ ਤਾਂ ਤੇਰਾ ਗਿਆ ਹੋ।
ਤੂੰ ਮੇਰਾ ਰੋਜ਼ਾ ਤੇ ਮਹੀਨਾ,
ਰਮਜ਼ਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
ਹੋਈ ਚੰਦਰੀ ਕੁਤਾਈ,
ਮੌਲਾ ਕਰਦੇ ਸ਼ੂਦਾਈ।
ਮਾਰ ਚਾੜਕੇ ਕਟਹਿਰੇ,
ਅਰਮਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
ਮੈਂ ਲੋਚਾਂ ਤੇਰੀ ਛਾਂ,’
ਮੇਰੇ ਬਖਸ਼ੀ ਗੁਨਾਂਹ।
ਦੁੱਖਭੰਜਨ ਤੇ ਕਰ,
ਅਹਿਸਾਨ ਸੱਜਣਾਂ।
ਤੇਰੇ ਵਿੱਚ ਮੇਰੀ ਵੱਸਦੀ,
ਏ ਜਾਨ ਸੱਜਣਾਂ।
