ਸੰਗਰੂਰ (ਪੰਜ ਦਰਿਆ ਬਿਊਰੋ)
ਸੰਗਰੂਰ ‘ਚ ਅੱਜ ਉਸ ਸਮੇਂ ਦਹਿਸ਼ਤ ਫੈਲ ਗਈ ਜਦੋਂ ਮੂਨਕ ਖੇਤਰ ਤੋਂ ਪਾਜ਼ੀਟਿਵ ਆਏ ਦੋ ਮਰੀਜ਼ਾਂ ‘ਚੋਂ ਇਕ ਕੋਰੋਨਾ ਦਾ ਪਾਜ਼ੀਟਿਵ ਮਰੀਜ਼ ਫਰਾਰ ਹੋ ਗਿਆ। ਫਰਾਰ ਹੋਏ ਵਿਅਕਤੀ ਦਾ ਨਾਂ ਚੰਦ ਪ੍ਰਕਾਸ਼ ਹੈ, ਜੋ ਕਿ ਇਕ ਸਾਧੂ ਹੈ। ਚੰਦ ਪ੍ਰਕਾਸ਼ ਮੂਨਕ ਦੀ ਇਕ ਧਰਮਸ਼ਾਲਾ ਵਿਚ ਰਹਿ ਰਿਹਾ ਸੀ, ਜਿੱਥੋਂ ਲੋਕਾਂ ਦੇ ਸੈਂਪਲ ਲਏ ਗਏ ਸਨ। ਜਿਸ ਤੋਂ ਬਾਅਦ ਉਸ ਦੀ ਰਿਪੋਰਟ ਪਾਜ਼ੀਟਿਵ ਆਈ ਸੀ। ਅੱਜ ਜਦੋਂ ਮੈਡੀਕਲ ਟੀਮ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਨੂੰ ਲੈਣ ਪਹੁੰਚੀ ਤਾਂ ਉਹ ਫਰਾਰ ਹੋ ਗਿਆ।
