ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਸਕਾਟਲੈਂਡ ਦੇ ਐਲਡੀ ਸਟੋਰਾਂ ਨੇ ਸਟੋਰਾਂ ਵਿਚ ਜਾਂ ਬਾਹਰ ਜਾਣ ਵਾਲੇ ਗਾਹਕਾਂ ਦੀ ਸੰਖਿਆ ਨੂੰ ਨਿਯੰਤਰਿਤ ਕਰਨ ਲਈ ਇਕ ਨਵਾਂ ਸਿਸਟਮ ਪੇਸ਼ ਕੀਤਾ ਹੈ।ਹਾਲ ਹੀ ਦੇ ਹਫ਼ਤਿਆਂ ਵਿੱਚ, ਸਟੋਰਾਂ ਦੇ ਬਾਹਰ ਲੰਮੀਆਂ ਲਾਈਨਾਂ ਬਣ ਰਹੀਆਂ ਹਨ ਜੋ ਕਿ ਕੋਰੋਨਾਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ ਠੋਸ ਨਹੀ ਹਨ। ਜਿਸ ਲਈ ਇਹ ਪ੍ਰਚੂਨ ਵਿਕਰੇਤਾ ਹੁਣ ਪ੍ਰਵੇਸ਼ ਦੁਆਰਾਂ ਤੇ ਆਟੋਮੈਟਿਕ ਟ੍ਰੈਫਿਕ ਲਾਈਟ ਪ੍ਰਣਾਲੀ ਲਾਗੂ ਕਰ ਰਿਹਾ ਹੈ, ਜੋ ਇੱਕ ਸਫਲ ਅਜ਼ਮਾਇਸ਼ ਤੋਂ ਬਾਅਦ ਇਸ ਹਫਤੇ ਸ਼ੁਰੂ ਹੋਈ ਹੈ।
ਇਹ ਟ੍ਰੈਫਿਕ ਲਾਈਟਾਂ ਸੰਕੇਤ ਦੇਣਗੀਆਂ ਕਿ ਗਾਹਕ ਕਦੋਂ ਸਟੋਰ ਵਿੱਚ ਦਾਖਲ ਹੋ ਸਕਦੇ ਹਨ ਜੋ ਦੋ ਮੀਟਰ ਦੇ ਸਮਾਜਿਕ ਦੂਰੀ ਨਿਯਮਾਂ ਦੇ ਅਨੁਸਾਰ ਹਨ। ਐਲਡੀ ਦੇ ਸੰਚਾਰ ਨਿਰਦੇਸ਼ਕ ਰਿਚਰਡ ਥੋਰਨਟਨ ਨੇ ਕਿਹਾ ਕਿ “ਸਾਡੇ ਗ੍ਰਾਹਕਾਂ ਅਤੇ ਕਰਮਚਾਰੀਆਂ ਦੀ ਸੁਰੱਖਿਆ ਸਾਡੀ ਸਭ ਤੋਂ ਵੱਡੀ ਤਰਜੀਹ ਹੈ ਅਤੇ ਇਹ ਨਵੀਂ ਪ੍ਰਣਾਲੀ ਇਕ ਸਹੀ ਅਤੇ ਪ੍ਰਭਾਵਸ਼ਾਲੀ ਢੰਗ ਹੈ, ਜਿਸ ਨਾਲ ਸਟੋਰਾਂ ਵਿਚ ਗਾਹਕਾਂ ਦੀ ਸੰਖਿਆ ਨੂੰ ਨਿਯੰਤਰਿਤ ਕੀਤਾ ਜਾ ਸਕਦਾ ਹੈ। ਬਾਅਦ ਵਿੱਚ ਇਸ ਨੂੰ ਦੇਸ਼ ਭਰ ਦੇ ਸਟੋਰਾਂ ਵਿੱਚ ਲਾਗੂ ਕੀਤਾ ਜਾਵੇਗਾ।
