ਯੂਕੇ ‘ਚ ਮੌਤਾਂ ਦੇ ਅੰਕੜੇ- ਸਰਕਾਰ ਦੇ ਹੋਰ, ਅਸਲੀਅਤ ਹੋਰ

ਯੂਕੇ ਸਰਕਾਰ ਦੁਆਰਾ ਦਿੱਤੀ ਰਿਪੋਰਟ ਨਾਲੋਂ ਹੋਈ 10,000 ਤੋਂ ਵੱਧ ਲੋਕਾਂ ਦੀ ਮੌਤ।
ਗਲਾਸਗੋ/ਲੰਡਨ (ਮਨਦੀਪ ਖੁਰਮੀ ਹਿੰਮਤਪੁਰਾ, ਸੰਜੀਵ ਭਨੋਟ) 

ਕੱਲ੍ਹ ਸਿਹਤ ਵਿਭਾਗ (ਡੀਓਐਚ) ਨੇ ਯੂਕੇ ਵਿੱਚ ਕੋਰੋਨਾਵਾਇਰਸ ਨਾਲ ਮੌਤਾਂ ਦੀ ਗਿਣਤੀ 36,914 ਦੱਸੀ ਸੀ ਜਿਸ ਵਿੱਚ 261,184 ਪੁਸ਼ਟੀ ਕੀਤੇ ਹੋਏ ਕੇਸ ਸਨ। ਪਰ ਦਫਤਰ ਫਾਰ ਨੈਸ਼ਨਲ ਸਟੈਟਿਸਟਿਕਸ ਦੇ ਨਵੇਂ ਅੰਕੜਿਆਂ ਦੇ ਅਨੁਸਾਰ, ਯੂਕੇ ਵਿੱਚ ਕੋਵਿਡ -19 ਵਿੱਚ ਹੋਈਆਂ ਮੌਤਾਂ ਦੀ ਗਿਣਤੀ ਅਸਲ ਵਿੱਚ 47,000 ਨੂੰ ਪਾਰ ਹੋ ਗਈ ਹੈ।  ਇਹ ਅੰਕੜੇ ਦਰਸਾਉਂਦੇ ਹਨ ਕਿ 15 ਮਈ ਤੱਕ ਇੰਗਲੈਂਡ ਅਤੇ ਵੇਲਜ਼ ਵਿਚ ਕੋਵਿਡ -19 ਨਾਲ ਸਬੰਧਤ 42,173 ਮੌਤਾਂ ਹੋਈਆਂ ਹਨ ਅਤੇ ਸਕਾਟਲੈਂਡ ਦੇ ਨੈਸ਼ਨਲ ਰਿਕਾਰਡਜ਼ ਦੇ ਤਾਜ਼ਾ ਅੰਕੜਿਆਂ ਤੋਂ ਪਤਾ ਚਲਦਾ ਹੈ ਕਿ 17 ਮਈ ਤੱਕ ਸਕਾਟਲੈਂਡ ਵਿਚ ਕੋਵਿਡ -19 ਨਾਲ ਸਬੰਧਤ 3,546 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ। ਇਸ ਤੋਂ ਬਿਨਾਂ ਉੱਤਰੀ ਆਇਰਲੈਂਡ ਦੇ ਅੰਕੜੇ  ਦਰਸਾਉਂਦੇ ਹਨ ਕਿ 20 ਮਈ ਤੱਕ ਉੱਤਰੀ ਆਇਰਲੈਂਡ ਵਿੱਚ ਕੋਵਿਡ -19 ਨਾਲ 664 ਮੌਤਾਂ ਦਰਜ ਕੀਤੀਆਂ ਗਈਆਂ ਸਨ। ਇਨ੍ਹਾਂ ਅੰਕੜਿਆਂ ਨੂੰ ਮਿਲਾ ਕੇ  ਹੁਣ ਤੱਕ 46,383 ਮੌਤਾਂ ਯੂਕੇ ਵਿੱਚ ਦਰਜ ਕੀਤੀਆਂ ਗਈਆਂ ਹਨ। ਜਿਥੇ ਕੋਵਿਡ -19 ਸੀ। ਐਨਐਚਐਸ ਇੰਗਲੈਂਡ ਦੁਆਰਾ ਸੋਮਵਾਰ ਨੂੰ ਪ੍ਰਕਾਸ਼ਤ ਕੀਤੇ ਅੰਕੜਿਆਂ ਅਨੁਸਾਰ ਇੰਗਲੈਂਡ  46,383 ਰਜਿਸਟਰਡ ਮੌਤਾਂ ਦੇ ਨਾਲ-ਨਾਲ ਹੁਣ  ਕੁਲ ਮੌਤਾਂ  47,300 ਤੋਂ ਵੱਧ ਹਨ। ਇਸ ਨਾਲ ਬ੍ਰਿਟੇਨ ਨੇ ਹੁਣ ਤੱਕ ਕੋਰੋਨਾਵਾਇਰਸ ਪ੍ਰਭਾਵਿਤ ਦੇਸ਼ ਇਟਲੀ ਅਤੇ ਸਪੇਨ ਨੂੰ ਮੌਤਾਂ ਦੀ ਗਿਣਤੀ ਵਿੱਚ ਪਛਾੜ ਦਿੱਤਾ ਹੈ। ਜਦ ਕੀ ਸੰਯੁਕਤ ਰਾਜ  ਅਮਰੀਕਾ ਤੋਂ ਬਾਅਦ ਦੁਨੀਆਂ ਵਿੱਚ  ਦੂਜਾ ਸਥਾਨ ਹੈ।