ਪੁਲਿਸ ਦੀ ਚੇਤਾਵਨੀ ਦੇ ਬਾਵਜੂਦ ਕ੍ਰਿਸਟਨ ਵਿੱਚ ਹੋ ਰਹੀ ਲਾਕਡਾਊਨ ਦੀ ਉਲੰਘਣਾ।
ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਪੁਲਿਸ ਚੇਤਾਵਨੀਆਂ ਦੇ ਬਾਵਜੂਦ ਗਲਾਸਗੋ ਦੇ ਕਰਿਸਟਨ ਇਲਾਕੇ ਦੇ ਜੰਗਲਾਂ ਵਿੱਚ ਨੌਜਵਾਨ ਪਾਰਟੀਆਂ ਕਰਕੇ ਤਾਲਾਬੰਦੀ ਦੇ ਕਾਨੂੰਨਾਂ ਦੀ ਉਲੰਘਣਾ ਕਰ ਰਹੇ ਹਨ। ਜਿਕਰਯੋਗ ਹੈ ਕਿ ਮਈ ਦੀ ਸ਼ੁਰੂਆਤ ਤੋਂ ਹੀ ਨੌਜਵਾਨ ਗ੍ਰੇਸਟਨ ਮਨੋਰ ਦੇ ਪਿੱਛੇ ਜੰਗਲ ਦੇ ਖੇਤਰ ਵਿੱਚ ਆਪਣੇ ਸਮਾਜ-ਵਿਰੋਧੀ ਵਿਵਹਾਰ ਦਾ ਵਿਖਾਵਾ ਕਰ ਰਹੇ ਹਨ। ਇਹ ਖੇਤਰ ਕੁੱਤਿਆਂ ਦੇ ਸੈਰ ਕਰਨ ਵਾਲਿਆਂ ਅਤੇ ਪਰਿਵਾਰਾਂ ਲਈ ਇੱਕ ਸੁੰਦਰਤਾ ਵਾਲਾ ਸਥਾਨ ਹੈ। ਪਰ ਨੌਜਵਾਨ ਪਾਰਟੀਆਂ ਨਾਲ ਲੋਕਾਂ ਨੂੰ ਪ੍ਰੇਸ਼ਾਨ ਕਰ ਰਹੇ ਹਨ। ਉਹ ਟੁੱਟੀਆਂ ਅਤੇ ਖਾਲੀ ਬੋਤਲਾਂ ਦੀਆਂ ਬੋਰੀਆਂ ਉੱਥੇ ਛੱਡਦੇ ਹਨ ਅਤੇ ਉੱਚੀ ਸੰਗੀਤ ਵੀ ਵਜਾਉਂਦੇ ਹਨ। ਇਕ ਸਥਾਨਕ ਨਿਵਾਸੀ ਨੇ ਦੱਸਿਆ ਕਿ ਉਹ ਬਹੁਤ ਸ਼ੋਰ ਅਤੇ ਡਰੱਗ ਦੀ ਵਰਤੋਂ ਵੀ ਕਰਦੇ ਹਨ। ਇਸ ਸੰਬਧ ਵਿੱਚ ਕੰਬਰਨੌਲਡ ਥਾਣੇ ਦੇ ਸਾਰਜੈਂਟ ਸਟੀਫਨ ਸ਼ੈਂਕਸ ਨੇ ਕਿਹਾ ਕਿ “ਅਸੀਂ ਕ੍ਰਿਸਟਨ ਖੇਤਰ ਵਿੱਚ ਕਮਿਊਨਿਟੀ ਦੁਆਰਾ ਉਠਾਏ ਇਤਰਾਜ਼ਾਂ ਤੋਂ ਬਾਅਦ ਇਸ ਖੇਤਰ ਵਿੱਚ ਗਸ਼ਤ ਵਧਾ ਦਿੱਤੀ ਹੈ।
