ਬਾਡਰਾਂ ਤੇ ਬੈਠੇ ਜਿਹੜੇ ਪੁੱਤ ਨੇ ਕਿਸਾਨਾਂ ਦੇ
ਕਿਉਂ ਅਤਿਵਾਦੀ ਦਸ ਦੀ ਤੂੰ ਸਾਨੂੰ ਸਰਕਾਰੇ ਨੀ
ਮਾਣ ਫਿਰੇਂ ਕਰਦੀ ਤੂੰ ਹੱਥ ਆਈਆਂ ਪਾਵਰਾਂ ਦਾ
ਸਾਡੇ ਤੋਂ ਹੀ ਬਣੇ ਰੰਗਲੇ ਚੁਬਾਰੇ ਨੀਂ
ਲਾਠੀਆਂ ਤੂੰ ਮਾਰਦੀ ਏ ਸਾਡੇ ਪਿਉ ਦਾਦਿਆਂ ਦੇ
ਸਾਡਾ ਵੀ ਤਾਂ ਖੂਨ ਬੜੇ ਮਾਰਦਾ ਉਬਾਲੇ ਨੀ
ਅੱਜ ਤਕ ਸਾਡੇ ਨੀ ਤੂੰ ਸ਼ਾਂਤ ਸੁਭਾਅ ਨੇ ਦੇਖੇ
ਆਈ ਉੱਤੇ ਆਏ ਤੈਥੋਂ ਜਾਣੇ ਨਾ ਸੰਭਾਲੇ ਨੀ
ਕੀਤੀਅਾਂ ਵਧੀਕੀਅਾਂ ਤੂੰ ਸ਼ੁਰੂ ਤੋਂ ਕਿਸਾਨਾਂ ਉਤੇ
ਧੱਕੇ ਨਾਲ ਥੋਪਦੀ ਕਾਨੂੰਨ ਫਿਰੇ ਕਾਲੇ ਨੀ
ਸਿਰਾਂ ਉੱਤੋਂ ਲਾਹ ਕੇ ਪੱਗਾਂ ਜਿਊਂਦਿਆਂ ਨੂੰ ਲਾ ਕੇ ਅੱਗਾਂ
ਖੁੱਲ੍ਹੇ ਤੁਰੇ ਫਿਰਦੇ ਆਂ ਸਾਡੇ ਹਤਿਆਰੇ ਨੀ
ਭਗਤ ਸਰਾਭੇ ਜਿਸ ਦੇਸ਼ ਨੂੰ ਯਾਦ ਕੀਤਾ
ਤੂੰ ਫਿਰ ਤੋਂ ਗੁਲਾਮ ਕਰ ਚੱਲੀ ਸਰਕਾਰੇ ਨੀ
ਲਿਖੂੰਗਾ ਹਾਏ ਬੋਲ ਸੱਚੇ ਰਾਜ ਪਥਰਾਲੇ ਵਾਲਾ
ਤਾਂ ਹੀ ਥੋੜ੍ਹੇ ਬੋਲ ਤੈਨੂੰ ਲੱਗਣੇ ਕਰਾਰੇ ਨੀ
ਬਾਡਰਾਂ ਤੇ ਬੈਠੇ ਜਿਹੜੇ ਪੁੱਤ ਨੇ ਕਿਸਾਨਾਂ ਦੇ
ਕਿਉਂ ਅਤੱਵਾਦੀ ਦੱਸਦੀ ਤੂੰ ਸਾਨੂੰ ਸਰਕਾਰੇ ਨੀ।
ਰਾਜ ਪਥਰਾਲਾ