ਰੱਖ ਖਰੀਆਂ ਨੀਯਤਾਂ

ਰਜਨੀ ਵਾਲੀਆ
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |
ਤਾਂ ਰੱਖ ਖਰੀਆਂ ਨੀਯਤਾਂ,
ਜੇਕਰ ਅਰਮਾਨ ਪੁਗਾਉਣੇ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |

ਜੋ ਤੋੜਕੇ ਸਾਰੀਆਂ ਰਸਮਾਂ,
ਨੂੰ ਤੇਰੇ ਦਰ ਆ ਜਾਂਦਾ |
ਤੇਰੀ ਮਹਿਕ ਬਿਨਾਂ ਜਿਸਦਾ,
ਹਰ ਫੁੱਲ ਕੁਮਲਾ ਜਾਂਦਾ |
ਉਹ ਮਹਿਰਮ ਬਣ ਜਾਂਦਾ,
ਜਿਸਨੇ ਦੁੱਖ ਵੰਡਾਉਣੇ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |

ਉਸਦਾ ਹੱਥ ਹੋਏ ਸਿਰ ਤੇ,
ਤਾਂ ਹਰ ਜੰਗ ਚ ਬਾਜੀ ਏ |
ਸਭ ਉਸਦੇ ਬਖਸੇ਼ ਰਿਸ਼ਤੇ ਨੇਂ,
ਓ ਇਸੇ ਚੀਜ਼ ਚ ਰਾਜੀ ਏ |
ਉਹ ਕਿਹੜੇ ਰੰਗ ਚ ਰਾਜੀ,
ਉਸ ਕਿਹੜੇ ਰੰਗ ਚੜਾਉਣੇਂ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |

ਸਫਲ ਹੁੰਦਾ ਏ ਓਈਓ,
ਜੋ ਸਲਫਾਸ ਨਹੀਂ ਖਾਂਦਾ |
ਤੱਕ ਪਈ ਮੁਸੀਬਤ ਡੋਲੇ ਨਾ,
ਤੇ ਹੈ ਜਿੱਤਣ ਨੂੰ ਜਾਂਦਾ |
ਹਿੰਮਤੀ ਲੋਕਾਂ ਈ ਜਿੱਤ ਦੇ,
ਮਗਰੋਂ ਢੋਲ ਵਜਾਉਣੇ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |

ਹੋਵਣਗੀਆਂ ਰੀਝਾਂ ਪੂਰੀਆਂ,
ਜੇ ਪ੍ਰਭਾਤ ਉਡੀਕੇਂਗਾ |
ਫਿਰ ਨਈਂ ਕੰਮ ਕੋਈ ਬਣਨਾ,
ਜੇਕਰ ਰਾਤ ਉਡੀਕੇਂਗਾ |
ਮੁਸੀਬਤ ਸੱਦਿਆਂ ਸਦਾ ਬੰਦੇ,
ਨੇਂ ਗਮ ਹੰਢਾਉਣੇਂ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |

ਈਮਾਨਦਾਰੀ ਤੋਂ ਵੱਡਾ ਸੌਦਾ,
ਕੋਈ ਵੀ ਨਈਂ ਏਥੇ |
ਰੱਬ ਤੋਂ ਵੱਡੀ ਕੋਈ ਸੱਚਾਈ,
ਹੋਈ ਨਈਂ ਏਥੇ |
ਆਸਥਾ ਰੱਖ ਮਜ਼ਬੂਤ,
ਤੂੰ ਪਾਪ ਭਜਾਉਣੇਂ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |

ਰਜਨੀ ਘਾਬਰ ਕੇ ਵੀ ਕਦੇ,
ਕਿਸੇ ਨੇਂ ਮੰਜਿਲ ਪਾਈ ਨਾ |
ਇਸ਼ਕ ਹਕੀਕੀ ਰੱਬ ਮਿਲਾਵੇ,
ਕਦੇ ਮਿਲਦੀ ਰੁਸਵਾਈ ਨਾ |
ਡੁੱਬਦੇ ਬੇੜੇ ਪਾਰ ਕਰੇ ਉਸ,
ਜਦ-ਜਦ ਅਜ਼ਮਾਉਣੇਂ ਨੇਂ |
ਜੇਕਰ ਤੂੰ ਆਪਣੇਂ ਦੁਨੀਆਂ,
ਉੱਤੇ ਝੰਡੇ ਝੁਲਾਉਣੇਂ ਨੇਂ |