ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
ਕੋਈ ਤਾਂ ਮੇਰੇ ਲਈ ਖਾਸ ਹੋ ਗਿਆ |
ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
ਮੈਂ ਬੇਆਸ ਸੀ ਤੁਰਿਆ ਫਿਰਦਾ,
ਮੇਰਾ ਹੰਝੂ ਅੱਖੀਆਂ ਵਿੱਚੋਂ ਕਿਰਦਾ,
ਹੁਣ ਮੇਰੀ ਉਹ ਆਸ ਹੋ ਗਿਆ |
ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
ਦੁਖੜਾ ਏ ਮੇਰੇ ਦਿਲ ਦਾ ਭੋਲਾ,
ਏ ਮਰ ਜਾਵੇ ਪਾਵੇ ਨਾ ਰੌਲਾ,
ਨਹੂੰਆਂ ਤੋਂ ਅੱਡ ਮਾਸ ਹੋ ਗਿਆ |
ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
ਜਿੰਦਗੀ ਦੇ ਵਿੱਚ ਆਈ ਹਨੇਰੀ,
ਨਾ ਕਿੱਕਰ ਰਿਹਾ ਤੇ ਨਾ ਹੀ ਬੇਰੀ,
ਬੰਦਾ ਵੀ ਦੁੱਖਾਂ ਦਾ ਦਾਸ ਹੋ ਗਿਆ |
ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
ਚੌਗਿਰਦੇ ਵਿੱਚ ਭਾਂਅ-ਭਾਂਅ ਮੱਚਦੀ,
ਖਤਾ ਕੁਲਹਿਣੀ ਮਰਦੀ ਨਾ ਬਚਦੀ,
ਮਨ ਨੂੰ ਕਿਉਂ ਝੂਠੜਾ ਧਰਵਾਸ ਹੋ ਗਿਆ |
ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
ਦੁੱਖਭੰਜਨ ਦੇ ਹਾਸੇ ਸਭ ਮੋਏ,
ਨੀ ਇਉਂ ਜਾਪੇ ਚਾਰੇ ਪਾਸੇ ਮੋਏ,
ਸਾਰਾ ਕੁਝ ਹੁਣ ਤਾਂ ਖਲਾਸ ਹੋ ਗਿਆ |
ਦੱਸ ਮੇਰਾ ਦਿਲ ਕਿਉਂ ਉਦਾਸ ਹੋ ਗਿਆ,
