ਰਜਨੀ ਵਾਲੀਆ
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਵੱਧ-ਘੱਟ ਤੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਮੈਂ ਤੇਰੀ ਬੇਈਮਾਨੀ ਤੇਰੀ ਜੇ,
ਚਲਾਕੀ ਫੜ ਲਈ |
ਤੇਰੇ ਵਿੱਚ ਐਬ ਕਿੰਨੇਂ ਜੇ ,
ਤੇਰੀ ਅੱਖ ਪੜ ਲਈ |
ਗਿਆ ਹੋਵੇ ਜੇ ਮੈਥੋਂ ਤੇਰਾ,
ਐਬ ਖੋਲਿਆ ਤਾਂ ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਤੇਰੇ ਹੱਥ ਚ ਸੀ ਜੋ ਓ,
ਬੇਕਦਰੀ ਦਾ ਫੁੱਲ |
ਜੋ ਜਾਣ ਬੁਝ ਹੋਵੇ ਜਮਾਨਾਂ,
ਆਖੇ ਉਹਨੂੰ ਭੁੱਲ |
ਪੱਤੀ-ਪੱਤੀ ਨੂੰ ਜੇ ਮੈਂ,
ਨਾ ਰੋਲਿਆ ਤਾਂ ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਤੇਰੇ ਹਰ ਇੱਕ ਗੁਨਾਂਹ ਦੀ,
ਹਰ ਇੱਕ ਫਰਦ ਨੂੰ |
ਤੇਰੇ ਲਈ ਆਉਣਾਂ ਪਵੇਗਾ,
ਮੌਸਮ ਜ਼ਰਦ ਨੂੰ |
ਜੇ ਗਿਆ ਹੋਵੇ ਉਹ ਮੇਰੇ,
ਕੋਲੋਂ ਟੋਲਿਆ ਤਾਂ ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਮੈਂ ਚੰਗੇ ਕਰਮ ਕਮਾਵਾਂ ,
ਧੋਖਾ ਦੇਣਾ ਨਾ ਆਵੇ |
ਮਨ ਮੇਰੇ ਦੀ ਮੌਜ ਸੌਂਹ,
ਤਾਂ ਹੀ ਮੇਰੀ ਖਾਵੇ |
ਅਣਗੌਲਿਆ ਜੇ ਗਿਆ ਹੋਵੇ,
ਮੈਥੋਂ ਗੌਲਿਆ ਤਾਂ ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਤੁਸੀਂ ਆਖਦੇ ਹੋ ਜੋ,
ਉਹ ਮੈਂ ਨਹੀ ਕਰਨਾ |
ਕੀਂਕਣ ਕਰੇਗਾ ਮੁਆਫ,
ਮੈਨੂੰ ਰੱਬ ਵਰਨਾ |
ਦੀਨ ਤੇ ਈਮਾਨ ਕਦੇ,
ਮੈਂ ਨਹੀਂ ਰੋਲਿਆ ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
ਰਜਨੀ ਦੇ ਦਿਲ ਦਾ ,
ਕਿਸੇ ਭੇਦ ਨਾ ਪਾਇਆ |
ਰਜਨੀ ਨੇਂ ਦਿਲ ਵੱਸ ਕੀਤਾ,
ਹੋਰ ਕੋਈ ਨਾ ਮਨਾਇਆ |
ਕੁੰਡਾ ਬੰਦ ਅਲਮਾਰੀ ਦਾ,
ਗਿਆ ਖੋਲਿਆ ਮੈਨੂੰ ਮੁਆਫ ਕਰਨਾ |
ਗਿਆ ਹੋਵੇ ਉੱਚਾ-ਨੀਵਾਂ ਬੋਲਿਆ ਤਾਂ,
ਮੈਨੂੰ ਮੁਆਫ ਕਰਨਾ |
