ਦੁੱਖਭੰਜਨ ਸਿੰਘ ਰੰਧਾਵਾ
0351920036369
ਨੀ ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਉਹ ਜਦ ਆਈ ਉਹਨੇ ਰੋ ਪੈਣਾ ਏ,
ਚੰਨ-ਚਾਨਣੀ ਨੇਂ ਦੋਵੇਂ ਗਵਾਹ |
ਨੀ ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਮੈਂ ਹੱਡੀਆਂ ਦਾ ਚੂਰਾ ਕਰਕੇ,
ਅੱਜ ਦੱਸ ਦੇਣਾਂ ਏ ਤੇਨੂੰ ਮਰਕੇ,
ਤੇਰਾ ਖਾਂਦਾ ਨਹੀਂ ਸੀ ਤੇਰਾ ਵਸਾਹ |
ਨੀ ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਵਹਿ ਤੁਰਿਆ ਹਾਂ ਅੱਗ ਦੇ ਵਹਿਣੀ,
ਤੇਰੇ ਨਾਲ ਮੁਹੱਬਤ ਕਿਸ ਭਾਅ ਪੈਣੀਂ,
ਕੱਲਾ-ਕੱਲਾ ਏ ਤਾਰਾ ਗਵਾਹ |
ਨੀ ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਸਾਹ ਮੇਰੇ ਭੁੱਜਣੇ ਛੱਲੀ ਵਾਂਗੂ ,
ਮੈਂ ਖੜਕ ਜਾਣਾ ਏ ਟੱਲੀ ਵਾਂਗੂ,
ਤੂੰ ਮੈਨੂੰ ਧੁਰ ਤੋਂ ਦਿੱਤਾ ਹਿਲਾ |
ਨੀ ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਤੈਥੋਂ ਇੱਕ ਸਵਾਲ ਤਾਂ ਪੁੱਛਕੇ ਰਹਿਣਾ,
ਮੈਂ ਜਾ ਕੇ ਫੇਰ ਚਿਖਾ ਵਿੱਚ ਪੈਣਾ,
ਹੋਈ ਸੀ ਮੈਥੋਂ ਕਿਹੜੀ ਖਤਾ |
ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਹੁਣ ਲਾ ਲੈ ਸੀਨੇ ਤੋਰ ਦੇ ਮੈਨੂੰ,
ਮੈਂ ਭੁੱਜਣਾ ਸਿਵੇ ਚ ਹੋਣਾ ਕੀ ਤੈਨੂੰ,
ਹੁਣ ਕਰ ਇਜ਼ਹਾਰ ਨਾ ਮੌਕਾ ਗਵਾ |
ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
ਦੁੱਖਭੰਜਨ ਨਈਂ ਅੜੀਆਂ ਕਰਦਾ,
ਦੱਸ ਐਂਵੇ ਕੌਣ ਕਿਸੇ ਲਈ ਮਰਦਾ,
ਜਾਂਦੀ ਵਾਰ ਕੋਈ ਦੇ-ਦੇ ਸਲਾਹ |
ਮੈਂ ਗਮਾਂ ਦੇ ਸ਼ਹਿਰ ਨੂੰ ਜਾਣਾਂ,
ਤੂੰ ਛੇਤੀ ਫੇਰਾ ਪਾ |
