ਮਾਲੇਰਕੋਟਲਾ, 20 ਅਗਸਤ (ਜਮੀਲ ਜੌੜਾ)
ਅੱਜ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਰਿਵੀਊ ਮੀਟਿੰਗ ‘ਚ ਪੰਜਾਬ ‘ਚ ਕਰੋਨਾ ਮਹਾਮਾਰੀ ਦੇ ਜਾਰੀ ਪ੍ਰਕੋਪ ਸਬੰਧੀ ਕਈ ਅਹਿਮ ਫੈਸਲੇ ਲਏ ਗਏ । ਮੀਟਿੰਗ ਦੌਰਾਨ ਇਹ ਫੈਸਲਾ ਲਿਆ ਗਿਆ ਕਿ ਪੰਜਾਬ ਦੇ 167 ਸ਼ਹਿਰਾਂ ਅਤੇ ਕਸਬਿਆਂ ਵਿੱਚ ਸ਼ਾਮ 7 ਵਜੇ ਤੋਂ ਸਵੇਰੇ 5 ਵਜੇ ਤੱਕ ਕਰਫਿਊ ਲੱਗੇਗਾ । ਪੰਜਾਬ ਭਰ ਵਿੱਚ ਵਿੱਚ ਵੀਕਐਂਡ ਲਾਕਡਾਊਨ ਜਾਰੀ ਰਹੇਗਾ ਯਾਨੀ ਸ਼ਨੀਵਾਰ ਅਤੇ ਐਤਵਾਰ ਨੂੰ ਦੁਕਾਨਾਂ ਬੰਦ ਰਹਿਣਗੀਆਂ । ਬੱਸਾਂ ਵਿੱਚ ਸਿਰਫ 50 ਫੀਸਦੀ ਸਵਾਰੀਆ ਹੀ ਸਫਰ ਕਰ ਸਕਣਗੀਆਂ ਅਤੇ ਕਾਰ ਵਿੱਚ ਸਿਰਫ ਤਿੰਨ ਲੋਕ ਹੀ ਸਫਰ ਕਰ ਸਕਣਗੇ । ਇਹ ਵੀ ਫੈਸਲਾ ਲਿਆ ਗਿਆ ਕਿ ਅਮ੍ਰਿਤਸਰ, ਜਲੰਧਰ, ਲੁਧਿਆਣਾ, ਪਟਿਆਲਾ ਅਤੇ ਮੋਹਾਲੀ ਵਿੱਚ ਦੁਕਾਨਾਂ ਤੇ ਵਿਸ਼ੇਸ ਪਾਬੰਦੀਆਂ ਲਗਾਈਆਂ ਜਾਣਗੀਆਂ । ਉਕਤ ਪਾਬੰਦੀਆਂ 21 ਅਗਸਤ ਤੋਂ 31 ਅਗਸਤ ਤੱਕ ਜਾਰੀ ਰਹਿਣਗੀਆਂ ।
