ਦੁੱਖਭੰਜਨ ਰੰਧਾਵਾ
0351920036369
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਸੀਪ ਤੇਰੇ ਨਾ ਦੀ ਜਿਹੜੀ,
ਫੜਕੇ ਲਿਆਉਣੀ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਮੇਰੀ ਬਣਦੀ ਏ ਬਹੁਤ,
ਏਨਾਂ ਹੰਝੂਆਂ ਦੇ ਨਾਲ ਨੀ |
ਰੋਦਿਆਂ ਨੂੰ ਵੇਖ ਮੈਨੂੰ,
ਰੋਂਦੇ ਮੇਰੇ ਨਾਲ ਨੀ |
ਜਾਪਦਾ ਏ ਹੁਣ ਤੋਂ ਮੈਂ,
ਜਿੰਦਗੀ ਘਟਾਉਣੀਂ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਨੀ ਸਿਵਾ ਜਦੋਂ ਮੱਚਣਾਂ,
ਮੈਂ ਤੂੰਬਾ-ਤੂੰਬਾ ਹੋਣਾ ਏ |
ਦੋ-ਚਾਰ ਜਿਹੜੇ ਚਾਹੁੰਦੇ,
ਨੇ ਉਹਨਾਂ ਬੜਾ ਰੋਣਾ ਏ |
ਬਲ-ਬਲ ਕੇ ਸਿਵੇ ਵਾਂਗੂ,
ਜੂਨ ਵੀ ਹੰਢਾਉਣੀਂ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਹੌਕਿਆਂ ਦੀ ਭਾਨ ਕਰ,
ਸਾਹਾਂ ਨੂੰ ਛੁਡਾਉਣਾ ਏ |
ਰੱਖੀ ਗਹਿਣੇ ਜਿੰਦਗੀ ਨੂੰ,
ਤੇਰੇ ਲਈ ਬਚਾਉਣਾ ਏ |
ਸਾਹਾਂ ਚ ਸਾਹ ਭਰ ਰਾਜੀ,
ਰੂਹ ਕਰਾਉਣੀਂ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਮੋਏ ਚਾਵਾਂ ਦੀ ਪਤੰਗ ਏਨੀ,
ਦੂਰ ਲੈ ਕੇ ਜਾਵਾਂਗਾ |
ਬਹਿਕੇ ਬਿਰਹੋਂ ਦੇ ਕੀੜਿਅਾਂ,
ਨਾ ਖੁਦ ਨੂੰ ਹੀ ਖਾਵਾਂਗਾ |
ਹੱਥੀਂ ਚਾੜ ਗੁੱਡੀ ਆਪ,
ਹੱਥੀਂ ਮੈਂ ਕਟਾਉਣੀਂ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਨੀ ਹੁਣ ਚੈਨ ਤੇ ਆਰਾਮ,
ਗਿਆ ਤੇਰਾ ਵੀ ਤੇ ਮੇਰਾ ਵੀ |
ਸਾਡਾ ਟਿੱਲਾ ਵੀ ਨਾ ਰਿਹਾ,
ਤੇ ਲੁੱਟ ਹੋਇਆ ਡੇਰਾ ਵੀ |
ਅਸਾਂ ਬੁਝੀ ਹੋਈ ਦਿਲਾਂ ਵਿੱਚ,
ਜੋਤ ਜੋ ਜਗਾਉਣੀਂ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
ਸੀਨੇ ਇਸ਼ਕੇ ਨੇ ਜਿਹੜੀ,
ਚਲਾਈ ਅੱਜ ਛੁਰੀ ਏ |
ਦੁੱਖਭੰਜਨਾ ਓਏ ਨਾਲ ਤੇਰੇ,
ਹੋਈ ਕਿੰਨੀ ਬੁਰੀ ਏ |
ਲੂਹਣਾ ਏ ਲੂੰ-ਲੂੰ ਤੇ,
ਜਾਨ ਤੜਫਾਉਣੀਂ ਏ |
ਗਮਾਂ ਦੇ ਸਮੁੰਦਰਾਂ ਚ,
ਤਾਰੀ ਇੱਕ ਲਾਉਣੀਂ ਏ |
