ਤੈਨੂੰ ਦੁੱਖ ਦੇਣ ਵਾਲਾ

ਦੁੱਖਭੰਜਨ ਰੰਧਾਵਾ
035192003636

ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇਗਾ,
ਓ ਜੀਣ ਤੋਂ ਪਹਿਲਾਂ ਥੋੜਾ ਮੋਇਅਾ ਕਰੇਗਾ,
ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇਗਾ |

ਉਹਦੇ ਹਿੱਸੇ ਅਾਉਣੇਂ ਸਾਰੇ ਖਾਰ-ਖਾਰ-ਖਾਰ ਨੀ,
ਉਹਨੇ ਜਿਹੜੀ ਖੇਡੀ ਬਾਜੀ ੳ ਜਾਣੀਂ ਹਾਰ ਨੀ,
ਪਛਤਾਵੇਗਾ ਏਨਾਂ ਕਾਤਰ ਹੋਇਅਾ ਕਰੇਗਾ |
ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇਗਾ |

ਜਿੰਨਾਂ ਦੇਂਦਾ ਦੁੱਖ ਤੈਨੂੰ ਕਿਤੇ ਵੱਧ ਦੁਖੀ ਹੋਵੇਗਾ,
ਰੋਈ ਏਂ ਨੀ ਤੂੰ ਤਾਂ ਉਹ ਧਾਹਾਂ ਮਾਰ ਰੋਏਗਾ,
ਓ ਨੰਗੀ ਤਲਵਾਰ ਤੇ ਖਲੋਇਅਾ ਕਰੇਗਾ |
ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇਗ,

ਹੋਣੀ ਬੇਸਕੂਨੀ ਉਹਨੂੰ ਦਿਲ ਚ ਮੱਚਣੇ ਨੇ ਹਾੜੇ,
ਉਹਨੇ ਧਾਹੀਂ-ਧਾਹੀਂ ਹੋਣਾ ਤੈਨੂੰ ਪਾਉਣੇਂ ਨੇ ਹਾੜੇ,
ਗਿੱਠ ਮੱਚਿਅਾ ਕਰੂ ਜਦ ਖਲੋਇਅਾ ਕਰੇਗਾ |
ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇਗ,

ਉਹਦੇ ਸਿਰ ਉੱਤੇ ਹਨੇਰੀ ਵਾਂਗੂ ਹਾਅ ਵਗਣੀਂ ,
ਨੀਂ ਉਹਦੇ ਮੋਢਿਓ ਮਸਾਣਾਂ ਦੀ ਸਵਾਹ ਵਗਣੀਂ,
ਗੁਨਾਹਾ ਨੂੰ ਜਦੋਂ-ਜਦੋਂ ਛੋਇਅਾ ਕਰੇਗਾ |
ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇਗ,

ਦੁੱਖਭਜਨ ਅਾਖ ਦੇਦਾ ਜੋ ਹੁੰਦੀ ਸੱਚੀ ਹਰ ਗੱਲ,
ਤੂੰ ਛੱਡ ਇਹਦਾ ਖਹਿੜਾ ਹੁਣ ਨਾਲ ਮੇਰੇ ਚੱਲ,
ਏ ਹੰਝੂਅਾਂ ਨਾ ਮੁੱਖ ਨਿਤ ਧੋਇਅਾ ਕਰੇਗਾ |ਃ
ਤੈਨੂੰ ਦੁੱਖ ਦੇਣ ਵਾਲਾ ਵੇਖੀਂ ਰੋਇਅਾ ਕਰੇ