ਪਟਿਆਲਾ (ਪੰਜ ਦਰਿਆ ਬਿਊਰੋ)
ਕੋਰੋਨਾ ਦੇ ਦੌਰ ਵਿੱਚ ਬਹੁਤ ਕੁਝ ਦਿਲ ਦਹਿਲਾਉਣ ਵਾਲਾ ਵਾਪਰ ਰਿਹਾ ਹੈ। ਪਟਿਆਲਾ ਦੇ ਰਾਜਿੰਦਰਾ ਹਸਪਤਾਲ ਵਿੱਚ ਬੁੱਧਵਾਰ ਨੂੰ ਸ਼ਰਮਨਾਕ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਸ ਨੇ ਪੂਰੇ ਸਿਸਟਮ ‘ਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਦਰਅਸਲ, ਕੋਰੋਨਾ ਮ੍ਰਿਤਕ ਜਨਾਨੀ ਦੀ ਲਾਸ਼ 12 ਘੰਟੇ ਤੋਂ ਵੀ ਵੱਧ ਸਮਾਂ ਆਈਸੋਲੇਸ਼ਨ ਵਾਰਡ ਦੇ ਫਰਸ਼ ‘ਤੇ ਹੀ ਪਈ ਰਹੀ। ਉਥੇ ਹੀ ਇਕ ਬਜ਼ੁਰਗ ਸਾਹ ਨਾ ਲੈ ਸਕਣ ਕਾਰਨ ਤੜਪ-ਤੜਪ ਕੇ ਬੈੱਡ ਤੋਂ ਹੇਛਾਂ ਡਿੱਗ ਗਿਆ। ਉਸ ਨੂੰ 2 ਘੰਟੇ ਤੱਕ ਕਿਸੇ ਨਹੀਂ ਚੁੱਕਿਆ, ਜਦੋਂ ਉਹ ਸ਼ਾਂਤ ਹੋ ਗਿਆ ਤਾਂ ਦੋ ਲੋਕ ਆਏ ਤੇ ਉਸ ਨੂੰ ਬਾਹਰ ਲੈ ਗਏ।
