ਦਾਖਲਾ ਬੋਰਡ ਦੀ 12 ਵੀਂ ਕਲਾਸ ਦੇ ਅੰਕਾਂ ਦੇ ਅਧਾਰ ‘ਤੇ ਹੋਵੇਗਾ ।
ਚੰਡੀਗੜ੍ਹ ( ਰਾਜਿੰਦਰ ਭਦੌੜੀਆ )
ਭਾਰਤ ਦੀ ਪ੍ਰਮੁੱਖ ਬਹੁ-ਅਨੁਸ਼ਾਸਨੀ ਅਤੇ ਮੁਹਾਰਤ ਕੇਂਦਰਤ ਯੂਨੀਵਰਸਿਟੀ ਯੂਪੀਈਐਸ ਨੇ ਅੱਜ ਐਲਾਨ ਕੀਤਾ ਹੈ ਕਿ ਯੂਪੀਐਸਸੀਏਟ 2020 (ਇੰਜੀਨੀਅਰਿੰਗ ਯੋਗਤਾ ਟੈਸਟ) ਅਤੇ ਯੂਪੀਐੱਸਪੀਏਟੀ 2020 (ਫਾਰਮੇਸੀ ਯੋਗਤਾ ਟੈਸਟ) ਦੇ ਟੈਸਟ ਰੱਦ ਕਰ ਦਿੱਤੇ ਗਏ ਹਨ। ਇਹ ਫੈਸਲਾ ਮਹਾਂਮਾਰੀ ਦੀ ਸਥਿਤੀ ਅਤੇ ਵਿਦਿਆਰਥੀਆਂ ਅਤੇ ਮਾਪਿਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ ਲਿਆ ਗਿਆ ਹੈ। ਯੂਨੀਵਰਸਿਟੀ ਨੇ ਦਾਖਲੇ ਲਈ ਨਵੇਂ ਦਿਸ਼ਾ ਨਿਰਦੇਸ਼ ਵੀ ਜਾਰੀ ਕੀਤੇ ਹਨ, ਜਿਸ ਅਨੁਸਾਰ ਵਿਦਿਅਕ ਸਾਲ 2020 ਲਈ ਬੀ.ਟੈਕ. ਅਤੇ ਬੀ.ਫਾਰਮਾ ਪ੍ਰੋਗਰਾਮਾਂ ਲਈ ਦਾਖਲਾ ਕੇਂਦਰ ਜਾਂ ਰਾਜ ਬੋਰਡ ਦੇ 12 ਵੀਂ ਜਮਾਤ ਦੇ ਨਤੀਜਿਆਂ ਦੇ ਅਧਾਰ ਤੇ ਹੋਵੇਗਾ। ਇਸ ਬਾਰੇ, ਯੂ ਪੀ ਈ ਐਸ ਦੇ ਉਪ-ਕੁਲਪਤੀ ਡਾ ਸੁਨੀਲ ਰਾਏ ਨੇ ਦੱਸਿਆ ਕਿ ਵਿਦਿਆਰਥੀਆਂ ਅਤੇ ਮਾਪਿਆਂ ਦੀ ਸਿਹਤ ਸਾਡੀ ਮੁੱਖ ਚਿੰਤਾ ਹੈ।
ਇਸ ਲਈ ਅਸੀਂ ਇਸ ਸਾਲ ਯੂ ਪੀ ਈ UPESEAT ਅਤੇ UPESPAT ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ । ਹਾਲਾਂਕਿ, ਅਸੀਂ ਦਾਖਲੇ ਦੀ ਪ੍ਰਕਿਰਿਆ ਨੂੰ ਜਾਰੀ ਰੱਖਾਂਗੇ ਅਤੇ ਇਸਦੇ ਲਈ ਅਸੀਂ ਆਪਣੀਆਂ ਨੀਤੀਆਂ ਵਿੱਚ ਕੁਝ ਬਦਲਾਅ ਕੀਤੇ ਹਨ ਤਾਂ ਜੋ ਦਾਖਲਾ ਯੋਗਤਾ ਦੇ ਅਧਾਰ ਤੇ ਹੋਵੇ ।
ਬਿਨੈਕਾਰ https://admission.upes.ac.in/apply ਤੇ ਲੌਗ ਇਨ ਕਰਕੇ ਆਨਲਾਈਨ ਚੋਣ ਪ੍ਰਕਿਰਿਆ ਲਈ ਅਰਜ਼ੀ ਦੇ ਸਕਦੇ ਹਨ । ਕਿਸੇ ਵੀ ਪ੍ਰਸ਼ਨ ਜਾਂ ਸਪੱਸ਼ਟੀਕਰਨ ਦੀ ਸਥਿਤੀ ਵਿੱਚ, ਉਹ ਟੋਲ-ਫ੍ਰੀ ਨੰਬਰ 18001028737 ਤੇ ਕਾਲ ਕਰ ਸਕਦੇ ਹਨ ਜਾਂ enrolments@upes.ac.in ਨੂੰ ਈਮੇਲ ਭੇਜ ਸਕਦੇ ਹਨ । ਚੋਣ ਪ੍ਰਕਿਰਿਆ ਦੇ ਅੰਤ ਤੇ, ਵਿਦਿਆਰਥੀ ਆਪਣੇ ਨਤੀਜੇ https://bit.ly/UPESBtech2020 ‘ਤੇ ਦੇਖ ਸਕਦੇ ਹਨ । ਯੂ ਪੀ ਈ ਐਸ ਦੀਆਂ ਅਕਾਦਮਿਕ, ਪਲੇਸਮੈਂਟ ਅਤੇ ਦਾਖਲਾ ਟੀਮਾਂ ਵਿਦਿਆਰਥੀਆਂ ਦੀ ਆਨਲਾਈਨ ਕਾਉਂਸਲਿੰਗ ਕਰਵਾਉਣਗੀਆਂ ਤਾਂ ਜੋ ਉਹ ਆਪਣੇ ਉੱਚ ਵਿਦਿਆ ਅਤੇ ਕਰੀਅਰ ਸੰਬੰਧੀ ਫੈਸਲੇ ਲੈ ਸਕਣ ।
