ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਕੋਰੋਨਾ ਮਹਾਮਾਰੀ ਦੇ ਚਲਦਿਆਂ ਬੱਸ ਅੱਡਿਆਂ ਉੱਪਰ ਦੂਰੀ ਬਣਾਈ ਰੱਖਣ ਲਈ ਗਲਾਸਗੋ ਸਿਟੀ ਕੋਂਸਲ ਦੀ ਟ੍ਰੈਫਿਕ ਕੰਟਰੋਲ ਐਂਡ ਮੈਨੇਜਮੈਂਟ ਟੀਮ (ਟਰੈਫਕੌਮ) ਨੇ ਪੁਸ਼ਟੀ ਕੀਤੀ ਹੈ ਕਿ ਗਲਾਸਗੋ ਸਿਟੀ ਸੈਂਟਰ ਵਿਚ ਅਗਲੇ ਹਫਤੇ ਨਵੇਂ ਅਸਥਾਈ ਬੱਸ ਅੱਡੇ ਸ਼ੁਰੂ ਕੀਤੇ ਜਾਣੇ ਹਨ।ਇਹ ਬੱਸ ਸਟਾਪ 10 ਗਲੀਆਂ ਵਿੱਚ ਬਣਾਏ ਜਾਣਗੇ।ਕੌਂਸਲ ਦੀ ਇਹ ਪਹਿਲ ਲੋਕਾਂ ਵਿੱਚ ਵਾਇਰਸ ਦੇ ਪ੍ਰਸਾਰ ਨੂੰ ਘੱਟ ਕਰਨ ਵਿੱਚ ਸਹਾਈ ਹਵੇਗੀ।ਇਸ ਵਿਚ ਸਰੀਰਕ ਦੂਰੀਆਂ ਨੂੰ ਸਮਰੱਥ ਬਣਾਉਣ ਅਤੇ ਕੋਵਿਡ -19 ਦੇ ਫੈਲਣ ਨੂੰ ਘੱਟ ਤੋਂ ਘੱਟ ਕਰਨ ਵਿਚ ਸਹਾਇਤਾ ਕਰਨ ਲਈ ਨਵੇਂ ਇਕ ਤਰਫਾ ਸੰਚਾਲਨ ਅਤੇ ਸਾਇਕਲ ਲੇਨਾਂ ਵੀ ਸ਼ਾਮਲ ਹਨ।ਅਸਥਾਈ ਬੱਸ ਅੱਡੇ ਸੋਮਵਾਰ (20 ਜੁਲਾਈ) ਅਤੇ ਬੁੱਧਵਾਰ (29 ਜੁਲਾਈ) ਦਰਮਿਆਨ ਲਾਗੂ ਕੀਤੇ ਜਾਣਗੇ, ਅਤੇ ਘੱਟੋ ਘੱਟ ਤਿੰਨ ਮਹੀਨੇ ਰਹਿਣਗੇ।
