ਦੁੱਖਭੰਜਨ ਰੰਧਾਵਾ
0351920036369
ਨੀ ਤੂੰ ਏਨੀਂ ਕਾਹਤੋਂ ਸੋਹਣੀਂ,
ਮੇਰਾ ਛੱਡਿਆ ਨੀ ਕੱਖ |.
ਨੀ ਭਾਵੇਂ ਦਈ ਜਾ ਤਸੀਹੇ,
ਮੈਨੂੰ ਜਿਊਣ ਜੋਗਾ ਰੱਖ |
ਓ ਮੇਰਾ ਪਿਆਰ ਹੈ ਸੱਚਾ,
ਉਹ ਮੇਰੇ ਲਈ ਰੱਬ |
ਭਾਵੇਂ ਠੂਠੇ ਵਾਂਗੂੰ ਮਾਂਜੇ,
ਓ ਵੀ ਮਨਜੂਰ ਏ ਸਭ |
ਓ ਕਰੇ ਮੇਰਾ ਏਨਾਂ,
ਮੇਰੀ ਭਰੀ ਰਵੇ ਅੱਖ |
ਨੀ ਤੂੰ ਏਨੀਂ ਕਾਹਤੋਂ ਸੋਹਣੀਂ,
ਮੇਰਾ ਛੱਡਿਆ ਨੀ ਕੱਖ |
ਮੇਰੀ ਝੱਟ ਸੁਣੀਂ ਜਾਂਦੀ ਏ,
ਜਦੋਂ ਫਰਿਆਦ ਕਰਦਾ ਹਾਂ |
ਓ ਮੈਨੂੰ ਮਿਲਣ ਆ ਜਾਵੇ,
ਜਦੋਂ ਵੀ ਯਾਦ ਕਰਦਾ ਹਾਂ |
ਛੱਡਣੀਂ ਦੁਨੀਆਂ ਕਬੂਲ,
ਤੈਥੋਂ ਹੋਣਾ ਨਈਂ ਵੱਖ |
ਨੀ ਤੂੰ ਏਨੀਂ ਕਾਹਤੋਂ ਸੋਹਣੀਂ,
ਮੇਰਾ ਛੱਡਿਆ ਨੀ ਕੱਖ |
ਕਦੇ ਮਸਲਾ ਨਾ ਬਣੇ,
ਤੇਰੇ ਮੇਰੇ ਪਿਆਰ ਦਾ |
ਕਦੇ ਸਿਰ ਵੀ ਨਾ ਝੁਕੇ,
ਰੱਬਾ ਮੇਰੇ ਯਾਰ ਦਾ |
ਦੂਰ ਰਹਿਣਾ ਮਸਲੇ ਤੋਂ,
ਮਸਲੇ ਜਾਣ ਐਂਵੇ ਭੱਖ |
ਨੀ ਤੂੰ ਏਨੀਂ ਕਾਹਤੋਂ ਸੋਹਣੀਂ,
ਮੇਰਾ ਛੱਡਿਆ ਨੀ ਕੱਖ |
ਉਹਨੂੰ ਪਤਾ ਮੇਰਾ ਸਾਰਾ,
ਉਸਨੂੰ ਕਰਦਾ ਮੈਂ ਕਿੰਨਾਂ |
ਪਿਆਰ ਏਨਾਂ ਮੇਰਾ ਗਹਿਰਾ,
ਸਤਵਾਂ ਸਮੁੰਦਰ ਹੈ ਜਿੰਨਾਂ |
ਪੈਸਾ-ਧੇਲਾ ਜੇ ਕਹੇ,
ਉਦੇ ਤੋਂ ਵਾਰ ਦਿਆਂ ਲੱਖ |
ਨੀ ਤੂੰ ਏਨੀਂ ਕਾਹਤੋਂ ਸੋਹਣੀਂ,
ਮੇਰਾ ਛੱਡਿਆ ਨੀ ਕੱਖ |
ਜਦੋਂ ਆਉਣੈਂ ਵਤਨਾਂ ਨੂੰ,
ਨੀ ਉਦੋਂ ਦੀਦ ਤੇਰੀ ਹੋਣੀਂ |
ਦੁੱਖਭੰਜਨ ਨੇਂ ਪਾ ਲੈਣੈਂ ਰੱਬ,
ਤੇ ਈਦ ਉਹਦੀ ਹੋਣੀਂ |
ਜੇ ਕਦੇ ਲੋੜ ਮੈਨੂੰ ਪੈ ਗਈ,
ਤਾਂ ਉਹਨੇਂ ਲੈਣਾ ਮੇਰਾ ਪੱਖ |
ਨੀ ਤੂੰ ਏਨੀਂ ਕਾਹਤੋਂ ਸੋਹਣੀਂ,
ਮੇਰਾ ਛੱਡਿਆ ਨੀ ਕੱਖ |
