ਜਰਨੈਲ ਸਿੰਘ ਘੋਲੀਆ
ਰੱਬ ਨੇ ਆਪ ਸ਼ਿੰਗਾਰੀ ਤਿੱਤਲੀ।
ਵਾਹ ਵਾਹ ! ਕਿੰਨੀ ਪਿਆਰੀ ਤਿੱਤਲੀ।
ਫੁੱਲਾਂ ਉੱਤੇ ਬਹਿੰਦੀ ਫਿਰਦੀ,
ਹੈ ਖੁਸ਼ਬੋਆਂ ਲੈਂਦੀ ਫਿਰਦੀ,
ਕੁਦਰਤ ਤੋਂ ਬਲਿਹਾਰੀ ਤਿੱਤਲੀ।
ਵਾਹ ਵਾਹ ! ਕਿੰਨੀ ਪਿਆਰੀ ਤਿੱਤਲੀ।
ਨੇੜੇ ਜਾਈਏ ਡਰ ਜਾਂਦੀ ਏ,
ਝੱਟ ਉਡਾਰੀ ਭਰ ਜਾਂਦੀ ਏ,
ਰੱਖਦੀ ਸਦਾ ਤਿਆਰੀ ਤਿੱਤਲੀ।
ਵਾਹ ਵਾਹ ! ਕਿੰਨੀ ਪਿਆਰੀ ਤਿੱਤਲੀ।
ਕਦੇ ਕਿਸੇ ਨਾਲ ਲੜਦੀ ਨਾਂਹੀ,
ਵੇਖ ਸਹੱਪਣ ਸੜਦੀ ਨਾਂਹੀ,
ਰੱਬ ਦੀ ਸੌਗਾਤ ਨਿਆਰੀ ਤਿੱਤਲੀ।
ਵਾਹ ਵਾਹ ! ਕਿੰਨੀ ਪਿਆਰੀ ਤਿੱਤਲੀ।
ਘੋਲੀਏ ਦਾ ਜਰਨੈਲ ਹੈ ਕਹਿੰਦਾ,
ਮੈੰ ਨਹੀ ਸਿਫਤ ਕਰੇ ਬਿਨ ਰਹਿੰਦਾ,
ਬੈਠੀ ਏ ਖੰਭ ਖਿਲਾਰੀ ਤਿੱਤਲੀ।
ਵਾਹ ਵਾਹ ! ਕਿੰਨੀ ਪਿਆਰੀ ਤਿੱਤਲੀ।
